Levhi 26:44 - Bhiblia Yo Sawuleka

⁴⁴ Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.

Levhi 26:44 Referans Kwoze

Varoma 11:2

Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

Nehemiya 9:31

Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.

Masalmo 94:14

Mkoma kha na mbi tshotsha vathu vakwe; ene kha na mbi tsukula avale i ku vathu vakwe.

2 Vafumeli 13:23

Sekoko Mkoma a to va pfela wumbilu, e va xanisekela, a to va rendekela ngu mhaka ya kuranda txitumelelano txakwe ni Abrahama, ni Isaake ni Jakobe; kha lava ku va khundumusa, kambe kha va tsotsha kule ni nene.

Varoma 11:26

ngu toneto, votshe va ka Israyeli va na hanyiswa, nga ti ti nga bhalwa taku: “Mtiruli a na huma ngu Siyoni, a na thavisa sisolo ka Jakobe.

Ezekhiyele 16:60

Hambi keto, ani ni na alakanya txitumelano txi ni nga txi maha ni nawe, ka masiku a wuhorana wko; kambe ni na maha ni nawe txitumelelano txa kwa mbi gwita.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Jeremiya 14:21

Ngu mhaka ya ditina dako, u nga swireke ngu ngathu, u nga wise tingana txikhalo txako txa wukoma: Alakanya txitumelelano txako ni nathu, u nga txi funye;

Masalmo 89:33

Aniko kha ni na mbi leka kuranda Dhavhidha, kha ni na mbi leka kumaha sithembiso sangu kwakwe.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Masalmo 103:13

Mkoma mbwa kuthutha ka vale va m'thavako kufana ni tate wo thutha ka vanana vakwe.

Jeremiya 24:5

Mkoma, Txizimu txa Israyeli, a khene: Nga kule vathu va tsakako ngu maxanvu amanene, ngu toneto ni na tsaka ngu Vajudha va va nga sungwa, ni xayisa kwati va ni nga va humisa ka wuwa wukhalo ni va yisa ditikoni ka Vakaldheya.

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.