Levhi 26:42 - Bhiblia Yo Sawuleka

⁴² hambi ani ni na alakanya txitumelelano txangu ni Jakobe, ni txitumelelano txangu ni Isaake, ni txitumelelano txangu ni Abrahamu, ni na ti alakanya, kambe ni na alakanya ditiko diya.

Levhi 26:42 Referans Kwoze

Ezekhiyele 16:60

Hambi keto, ani ni na alakanya txitumelano txi ni nga txi maha ni nawe, ka masiku a wuhorana wko; kambe ni na maha ni nawe txitumelelano txa kwa mbi gwita.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Eksodha 6:5

Se ni engisile kudila ka vanana va ka Israyeli, avale va xuphwako ngu Vaegipta, ni za ni txi alakanya txitumelelano txangu.

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Luka 1:72

Kasiku e maha wumbilu ka vatate vathu, a txi khumbuka txitumelelano txakwe txo sawuleka.

Joyeli 2:18

Sekoko Mkoma a na pfela ditiko dakwe, kambe a na va ni wumbilu ka vathu vakwe.

Masalmo 136:23

A nga alakanya kuxaniswa kwathu; nguko lirando lakwe nda kala kupinduka!

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Genesisi 26:5

nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

Genesisi 9:16

Ngako wulaho wa nzumani wu di ha mafuni, ani ni na wu wona, ni txi alakanya mhaka ya Txitumelelano txo mbi guma, atxi txi kuho hagari kwangu ani Txizimu, ni sotshe sivangwa si si hanyako ha mafuni.”

Genesisi 9:15

sekoko ni na alakanya Txitumelelano txangu, txi ku hagari kwangu ni nanu, ni sotshe si si hanyako ha mafuni. Konaho mati kha ma na mbiswa ma txi maha ndambi ya kufuvisa sotshe sivangwa.

Genesisi 26:2

Mkoma Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 35:12

Ani na kuninga ditiko di ni nga ninga Abrahamu ni Isaake, ni ka liveleko lako; ali li no maneka msana kwako.”

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.

Esteri 4:14

Nguko ka mbimo yiya hambi u txi malala ka totshe, kutxhatxhiswa ni kuhuluka si nata ngu ka dimwani didhawa da Vajudha, kambe awe ni nyumba ya tate wako, mi na lova; se kona ti ziwa ngu mani, mwendo u tile ngu mbimo yiya ka mfumo wuwa ngu mhaka yiya kani?

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Dhewuteronome 9:27

Alakanya sithumi sako, Abrahamu, Isaake ni Jakobe; u nga wone kubanga ka timbilu ta vathu vava, hambi wubihi wawe, ni txionho txawe.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.