Levhi 26:41 - Bhiblia Yo Sawuleka

⁴¹ nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

Levhi 26:41 Referans Kwoze

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

2 Makronika 32:26

Se Ezekhiya a to ti sola e ti veka hahatshi ngu mhaka ya kanu ya kutikulisa ka mbilu yakwe kumweko ni vathu va Jerusalema; se kuhenya ka hombe ka Mkoma ku yata txitimwi kwawe, ka masiku a Ezekhiya.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

Vakolosa 2:11

kwakwe kambe, mi yisilwe wukwerani, i si nga wukwera wo mahwa ngu manza a vathu, aniko mbukwera wa wukristu, wu wu hi thusako ka nyama yi yi onhako.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Luka 18:14

“Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Matewu 23:12

Awule a ti guletako, a na vekwa hahatshi; ani wule a ti vekako hahatshi a na guletwa.

Ezekhiyele 44:9

Mkoma Txizimu a khene: Ni wammweyo wu i ku dikhutu mbiluni mwendo nyamani, kha na mbi wulela nyumbani kwangu ko sawuleka, ka ni wihi wa vamatiko vale va no maneka hagari ka vanana va ka Israyeli.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Masalmo 39:9

Ni malate, kha ni na mbi tula txisofu, nguko mthumo wuwa mbwako.

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

2 Makronika 33:23

Aniko kha ti veka hahatshi masoni ka Mkoma, nga Manasi tate wakwe, a nga ti veka hahatshi; Amoni a to engetela sionho sakwe.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

2 Makronika 12:12

Se ene a to ti veka hahatshi, Mkoma a to thavisa kuhenya kwakwe txitimwi kwawe, kasi ku asi va fuvisi votshe; nguko Judha ku ti ni silo sa sinene.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Mitengo 5:7

Se ene a fanete ku ti solisa ngu txionho txi a nga txi maha; se e tshumetela sotshe si a nga si mana ngu kuonha kwakwe, se a txi engetela ngu lipimo la wutxhanu, e ninga awu a nga muonhela.

Dhewuteronome 10:16

Yisani wukwerani timbilu tanu, mi si bangisi tithamo tanu.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Ezekhiyele 14:23

Se mi na thavelelwa, mbimo yile mi no wona tinzila tawe ni simaho sawe; se mi na tiziva taku kha na ti maha walo totshe ti ni nga maha ka dona, kuwomba Mkoma Txizimu.