Levhi 26:40 - Bhiblia Yo Sawuleka

⁴⁰ Sekoko va na ti tshanza ngu wubihi wawe, ni wubihi wa vatate vawe, ni wuhambunyeti wawe, asile va nga ni onhela ngu sona; kambe va na womba ku kha vona, ngu mhaka ya kule va nga ni onhela,

Levhi 26:40 Referans Kwoze

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Mitengo 5:7

Se ene a fanete ku ti solisa ngu txionho txi a nga txi maha; se e tshumetela sotshe si a nga si mana ngu kuonha kwakwe, se a txi engetela ngu lipimo la wutxhanu, e ninga awu a nga muonhela.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Levhi 26:21

Ngako mi txi hambana ni nani, mi tamarisa mi si ni engisi, ni na engeta ni txi ruma makhombo, ni txi wuyeleteta kambe mtxhanu wa sikhati ni simbidi, kasi ku mi tsayisa, ngu mhaka ya sionho sanu.

Levhi 5:5

M'thu wu a nga onha ka mhaka yihi ni yihi, a fanete kutitshanza ka tile a ku ni mnandu ka tona.

Ezra 10:11

Sekoko, anu ti soleni masoni ka Mkoma, Txizimu txa vatate vanu, mi maha kuranda ka txona; hambanani ni vathu va matiko, ni vasikati va matiko.

Jeremiya 14:20

Athu ha ziva kubiha kwathu, awe Mkoma, ni sionho sa vatate vathu, nguko athu hi kuonhete.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Ezekhiyele 14:23

Se mi na thavelelwa, mbimo yile mi no wona tinzila tawe ni simaho sawe; se mi na tiziva taku kha na ti maha walo totshe ti ni nga maha ka dona, kuwomba Mkoma Txizimu.