Levhi 26:37 - Bhiblia Yo Sawuleka

³⁷ Mi na humbana mmwani a txi wela txitimwi ka mmwani, ku nga mo tutumiswa hambi mi si tutumiswi, kambe kha mi na mbi sikota kuema masoni ka valala vanu.

Levhi 26:37 Referans Kwoze

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Jeremiya 37:10

Nguko hambi i ti ku mi ti ko tshinda yotshe yimbi ya Vakaldheya va va mi wukelako, na ku ti sate dwe vo dayiswa, mmweyo ni mmweyo wawe a ndi na huma ngu ditendani kwawe, a txi ta hisa didhoropa diya.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

Mitengo 14:42

Mi nga kweleni, nguko Mkoma khangaho hagari kwanu; valala vanu va na ya mi xula.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Jeremiya 46:16

A wisile votala, vamwani va wete txitimwi ka vamwanyani, va txi kha vona: “Wuka, a hi tshumelele ka vakakwathu, ditikoni mu hi nga velekelwa kona, nguko ha guma ngu ditxhari.”

Nahume 3:3

M'gadhi wa dihantxhi wa guleta ditxhari do phatima, ni mseve wo keluka nga nzuma, se ku nava ni vathu vavangi vo fa, ni sirumbi sasingi, vafi kha va na mbi va ni magwito; va na humbwa ngu mimidi yawe.

1 Samuwele 4:2

Se Vafilista va to ti longisela ngu kufola, ve hingeta va ka Israyeli ku yalwa navo; se va di khatile kulwa, va ka Israyeli va to dawa ngu Vafilista, nguko kudatwe libalani ka yimbi vavamna vo dingana 4.000.