Levhi 26:35 - Bhiblia Yo Sawuleka

³⁵ Di na humulela mndani ka masiku otshe ale di nga ti haxukile, ati ti nga mbi maheka amule ka masiku anu a Masabbata, ka mbimo yile mi nga ti zumbile ka dona.

Levhi 26:35 Referans Kwoze

Varoma 8:22

Nguko ha tiziva ngu kutsanisa tito, kala ditshiku da nyamsi, sotshe sivangwa sa keta ni kukuma, nga kule ka wamsikati wu a lumwako.

Levhi 26:34

Sekoko ditiko di na vekisa Masabbata a dona, mndani ka otshe masiku ale di no va i di txiwula, mbimo yi anu mi no va mi di ditikoni ka valala vanu; se ditiko di na humula di txi vekisa Masabbata a dona.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Levhi 25:2

Womba ka vanana va ka Israyeli u txi khawe: Ngako mi txi wulela ka ditiko di ni mi ningako, mafu ma na xayisa Sabbata ya Mkoma.