Levhi 26:31 - Bhiblia Yo Sawuleka

³¹ Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

Levhi 26:31 Referans Kwoze

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Vahebheru 10:26

Nguko, ngako hi txi onha khakwenye, na hi txi di ziva ditshuri ta tinene, kha ku nga ngadi ni mhamba yimwani yo thavisa sionho.

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Sidilo 2:7

Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

Sidilo 1:10

Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Mithumo 6:14

nguko athu hi muengisile, a txi khene: “Jesu wa Nazareta a na fuvisa Wukhalo wuwa e txitxa ni mahanyelo awa hi nga ningwa ngu Mosi.”

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Ezekhiyele 21:15

Kasi ku ti txi thidhela timbilu tawe, ku txi tala siphariyeta, ka sotshe sike sawe, ni vekile tshoka ya ditxhari, do fana ni nyangafula, yo rumelwa kuya daya!

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Ezekhiyele 6:6

Ni otshe makhalo anu o zumba ka ona, madhoropa otshe ma na khundumuselwa, makhalo o guleka ma na xaselwa; kasi ku siluvelo sanu si khundumuselwa si fuviswa, ni sithombe sanu si txi fayekela si guma, ni sifananiso sanu sa ditambo si wilelwa, kambe yi txi onhetelwa mithumo yanu.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 26:9

Ngu kutxani awe u nga profeta ngu ditina da Mkoma, u txi khawe: Ayiya nyumba yi na nga Silo, adiya didhoropa di na nga dirumbi, ku si nga ni vo zumba kani? Votshe vathu va to tshangana ni Jeremiya Nyumbani ka Mkoma.

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Jeremiya 22:5

Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

Nehemiya 2:17

Sekoko ni to va gela ku khani: Ma wu wona wusiwana wu hi ku ka wona, aku Jerusalema a nga khundumuswa, ni matimba a kona ma nga hiswa; ngonani hi ta aketa diguma da Jerusalema, kasi ku hi si zumbi kambe tinganani.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

2 Vafumeli 22:19

Ngako mbilu yako yi nga rawula, u ti namisa masoni ka Mkoma, mbimo yile u nga engisa ni txi henya ngu wukhalo wuwa, ni vazumbi va kona, va ti dingana kufuviswa ni kuve txiruko, u vharulete syambalo sako, u dite masoni kwangu, kambe ni ku engisile, kuwomba Mkoma.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 63:18

Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.

Jeremiya 44:2

A womba tiya Mkoma wa Mabutho a Tiyimbi, Txizimu txa Israyeli: Anu mi woni wotshe wubihi wu ni nga wu maha txitimwi ka Jerusalema, ni txitimwi ka otshe madhoropa a ka Judha, wona ti taku ona nziwula, kha ku nga ni wo zumba ka ona;

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Dhaniyeli 2:46

Sekoko mfumeli Nebhukodhonosori a to wa ngu mbanza yakwe, e khozela Dhaniyeli, e leleta ti to Dhaniyeli e mahelwa mningelo wa sakudya, ni kuhiselwa dibaselo.

Amosi 7:9

Kambe makhalo o guleka a Israyeli ma na hoxotwa ni makhalo a vakhongeli va Israyeli ma na loviselwa magwito. Se na wukela nyumba ya ka Jerobhowamu ngu ditxhari.

Zefaniya 3:6

Ni fuvisile matiko, sitezi sa kona si mahile marumbi, ni mahile siwula tinzila ta kona, aha koza ku si pindi m'thu ka tona; madhoropa a kona ma hoxotilwe, aha koza ku si sali ni wammweyo, kupwateka ni wo zumba ka ona.

Nehemiya 1:3

Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Isaya 64:9

Awe Mkoma, u nga henye ngutu, u nga alakanye wubihi wathu kala kupinduka; wona, athu ha kukombela, athu hotshethu hi vathu vako.

Jeremiya 4:26

Ni to xolisisa, ni wona tito, ditiko do nona di hindukile di maha txiwula ni otshe madhoropa a dona ma khundumusetwe masoni ka Mkoma ni masoni ka kuvhiluka ka kuhenya kwakwe.

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Ezekhiyele 12:20

Kambe madhoropa ma ku ni vathu ma na fuviswa, se mafu ma na maha sisapa; se mi na tiziva taku ani ngani Mkoma.