Levhi 26:3 - Bhiblia Yo Sawuleka

³ Ngako mi txi londeta sileleto sangu, mi veketa milayo yangu, ni ku yi maha,

Levhi 26:3 Referans Kwoze

Isaya 1:19

Ngako mi txi tumela kuengisa, mi na dya so tshamba ha mafuni hawa.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

Dhewuteronome 7:12

Ngako u txi engisa, u txi si vekisa sileleto siya, Mkoma, Txizimu txako, nene a na xayisa txitumelelano ni lirando, ali ene a nga xambanya ka vatate vako;

Eksodha 23:25

Mi na thumela Mkoma, Txizimu txanu, se ene a na katekisa sakudya sanu, mati anu kambe a na hambukisa malwati hagari kwanu.

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Nehemiya 1:9

Se anu mi na hundulukela kwangu mi xayisa milayo yangu, mi txi yi maha; sekoko, hambi ngako avale va nga lekwa va txo va magwito ka nzuma, ni na va sengeleta koneyo, ni va wuyisa ka wukhalo wule ni nga wu sawula, kuva ditina dangu di txi zumba ka wona.

Isaya 30:23

Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.