Levhi 26:28 - Bhiblia Yo Sawuleka

²⁸ sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Levhi 26:28 Referans Kwoze

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Ezekhiyele 8:18

Ngu kumaha keto, nani ni na va henyela; diso dangu kha di na mbi va tsetsa, kambe kha ni na mbi va ni wumbilu; hambi va txo kwangula tinzeveni kwangu ngu dipswi da hombe, kha ni na mbi va engisa.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Ezekhiyele 5:13

Ngu kumaha keto kuhenya kwangu ku na maheka, ni na boxela kwawe txiviti txangu ni txi ti thavelela; kambe va na tiziva ti to ngani ani, Mkoma, ni nga womba ngu kuvihata, mbimo yi ni no va vitikela.

Jeremiya 21:5

Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Isaya 63:3

Ani nokha ni to suka dipipani, se ka vathu kha ngaho a nga ti ti ni nani; se kuhenyani kwangu ni to va suka, ni ku va phwarasela ngu txiviti txangu; se mnoha wawe wu to ndakela syambalo sangu, ni nzihatisa sotshe syambalo sangu.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Isaya 27:4

Kha ku nga ni kuhenya kwangu; i mani a ndi no veka sitxhotxhota ni mipa masoni kwangu yimbini kani? Ani ni ndi na va wukela, ni va hisa.

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Levhi 26:27

Kukhukhela konako, ngako mi si ni engisi, aniko mi txi tamarisa amu ko hambana ni milayo yangu,

Levhi 26:41

nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

Masalmo 79:12

Mkoma, va tsayise ka mtxhanu ni kambidi vaakelani vathu ngu mhaka ya sionho si va nga ku mahela.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Sidilo 4:11

Mkoma Txizimu a hetisile kupandiseka kwakwe a kusute mndilo wa txiviti txakwe. Wu txi hisa m'ti wa Siyoni, wu txi hetisa ni makhato a wona.