Levhi 26:26 - Bhiblia Yo Sawuleka

²⁶ Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Levhi 26:26 Referans Kwoze

Mika 6:14

Awe u na dya aniko khu na mbi khura; kambe kutxipiswa kwako ku nava mndani kwako; u na sengeletela aniko kha si na mbi huluka; se ni si u no si hulukisa, ani ni na si ningela ka ditxhari.

Isaya 3:1

Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

Ezekhiyele 5:16

Mbimo yi ni no va rumela miseve ya nzala yo thisa, ni va lwisa kasi ku va fuvisa, ayi ni no yi rumela kasi ku mi fuvisa, sekoko ni na engetela nzala txitimwi kwanu, kambe ni na mi keleta dipawu.

Masalmo 105:16

Txizimu txi vangile nzala txitimwi ka otshe mafu txi lovisile tithembwe totshe ta fulaho.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Ezekhiyele 14:13

Awe mwanana wa m'thu, ngako ditiko dokari di txi ni onhela, di txi ni wukela ngutu, sekoko ni na nawuluta dianza ni txi di tsayisa, se ni na kengeta dipawu, ni na rumela nzala ka dona, ni na thavisa ka dona vathu ni sihari;

Ezekhiyele 4:16

Sekoko a to ni gela ku khene: Awe mwanana wa m'thu, wona taku ni na pwatekisa dipawu Jerusalema, se va na dya dipawu da didotho ni manyenyo; ni mati va na sela ngu kupimela ni kukalala;

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Hoseya 4:10

Va nadya aniko kha va na mbi khura; va na geleza aniko kha va na mbi anda; nguko va lekile kurendekela Mkoma.

Ezekhiyele 4:10

Se sakudya si u no dya nzo dingana magumi mambidi a maxekele ngu ditshiku; u na dya ngu mbimo ni mbimo.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Levhi 26:27

Kukhukhela konako, ngako mi si ni engisi, aniko mi txi tamarisa amu ko hambana ni milayo yangu,

2 Vafumeli 6:25

Se ku to maneka nzala ya hombe Samariya, nguko ku nga ti randetwe, kuhoka hale ko xaviswa mbongola yimweyo ngu mtxhanu wa magumi ni mararu a siya sa silivhela, ni txipande txa wumune txa mihambuko ya situvani, ngu mtxhanu wa siya sa silivhela.

Isaya 5:10

Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

Ezekhiyele 4:17

kasi kuve pwatekelwa ngu dipawu ni mati, va txi xamalana mmwani ni mmwani, va txi hetwa ngu sionho sawe.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.