Levhi 26:25 - Bhiblia Yo Sawuleka

²⁵ Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Levhi 26:25 Referans Kwoze

Mitengo 14:12

Kukhukhela konkuwa, ni na va limata ngu mtungu, ni txi va hetisa; msana kwawe, ni na maha limwani lixaka ngu ngawe, ni mfumo wa hombe, wa mtamo kupinda vona.”

Ezekhiyele 5:17

Se ni na rumela nzala kwanu, ni sibanda si si nota daya vanana vako; mitungu ni kuthekela ka mnoha, si na pinda ngu kwako; ni na tisa ditxhari txitimwi kwako. Ani Mkoma ni wombile.

Ezekhiyele 33:2

Awe mwanana wa m'thu, womba-womba ka vanana va vathu vanu, u txi khawe kwawe: Ngako ni txi tisa ditxhari txitimwi ka mafu, se vathu va ditiko ve teka wamwamna wokari hagari kwawe, ve mmaha muwoneleli wawe;

Ezekhiyele 29:8

Ngu tona eto, Mkoma a khene: Wona taku ni na tisa ditxhari txitimwi kwako, ni txi ta dayela votshe vathu ni sihari.

Ezekhiyele 20:37

Kambe ni na mi maha mi pinda ngu hahatshi ka ndonga, se ni txi mi maha mi pinda ngu ka txitsaniso txa txitumelelano.

Ezekhiyele 14:17

Ni ku ngako ni txi tisa ditxhari txitimwi ka ditiko, ni txi khani: Awe ditxhari, pinda ngu ditikoni mule: Se ani ni txi thavisa ka dona vathu ni sihari;

Ezekhiyele 6:3

Se u na khawe: Anu mimango ya Israyeli, engisani dipswi da Mkoma Txizimu: Mkoma Txizimu a khene ka mimango, ka simangwana, ka sinambwana ni ka mikova: Wonani taku ani, ina, ani nipune, ni na tisa ditxhari txitimwi kwanu, ni nata khundumusa makhalo anu o guleka.

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Dhewuteronome 32:25

Hahanze va na dawa ngu ditxhari, nyumbani va na dawa ngu dizowa; votshe va na fuva: Mazambi ni mahorana, vanana vo mama, hambi ni vo kumba va tinvi.

Dhewuteronome 28:21

Mkoma a na maha ti to mtungu wu txi namarela kwako, kala wu txi kufuvisa ka ditiko di u wulelako ka dona, kasi ku u txi di teka.

Luka 21:11

Ku na humelela kuzinginikela ka hombe ka mafu, se ka makhalo amangi ku nava ni tinzala ni mitungu. Ku na humelela sidiwukiso so thisa, ni sikombiso sa hombe nzumani.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Masalmo 94:1

Mkoma, awe u Txizimu txa kutsayisa wubihi! Txizimu, kombisa txiviti txako!

2 Samuwele 24:15

Sekoko Mkoma a to rumela mtungu ditikoni ka Israyeli, kukhukhela ni mixo kala mbimo yi a nga yi lava; ni ku kukhukhela Dhani kala Bherisebha, ku to fa 70.000 wa vathu.

Dhewuteronome 32:41

Ngako ni txi lota txingwalangwanda txa ditxhari dangu ngako ni txi lamula ngu dianza dangu, ni na phota ka valala vangu, ni txi pharela ka vale va ni nyenyako.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Mitengo 16:49

Ava va ngafa ngu mtunguwo i 14.700, kuleka va va ngafa ngu mhaka ya Kora.

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Mitengo 31:3

Mosi a to womba koko ka vathu, a txi khene: Va na xome vokari va ka kwanu va txi yalwa ni Vamidhiyani, kasi kuya photela Mkoma ka Vamidhiyani.

Valamuli 15:11

Sekoko 3.000 wa vavamna va ka Judha, va to relela kala phakoni ka dirigwi da Etami, va txi ya kha vona ka Samusoni: “Ina awe u ti si ti zivi ti to Vafilista ngu vona va hi fumako kani?” Ngu kutxani koko u nga hi mahela tiya kani? Se ene a to va gela tiya: Ni va mahile tiya, nga ti vona va nga ni mahela.

1 Vafumeli 8:33

Ngako vathu vako va Israyeli va txi xulwa ngu mlala, ngu kuva va di kuonhete, ve hundulukela kwako, ve dhumisa ditina dako, ve dila masoni kwako nyumbani muwa,

1 Vafumeli 8:37

Ku txi maneka nzala ditikoni, ku txi humelela mitungu, ku txi maneka kuhya ka timbewu, kujingara ka siyalo, tihumbi ni titshikiti, mbimo yi mlala wako a tsivako sike sako, mwendo kumaneka ka mitungu yokari hambi malwati,

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Eksodha 5:3

Vona va wombile va txi kha vona: “Txizimu txa Vahebheru txi tile kwathu. Ngu mhaka yeto hi leke hi txi teka dipfhumba da masiku mararu hi txi tsimbila mu txiwulani, kasi ku hi txi ya phaxa ka Mkoma, Txizimu txathu, kasi txi si hi dayi ngu mtungu ni ditxhari!”

2 Vafumeli 17:3

A to lwiswa ngu Salmanaseri, mfumeli wa Asiriya, se Hoseya a to maha khumbi yakwe, ni ku mluva.

2 Makronika 24:24

Hambi ku va Siriya va ngata ni dibutho da vathu vavadotho, Mkoma a to ningela manzani kwawe, dibutho da vathu vavangi, nguko va lekile Mkoma Txizimu txa vatate vawe. Jowasi a to pekwa ngu Txizimu ngu diwoko da Vasiriya.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Isaya 65:12

kambe ni na mi ningela ka ditxhari, motshenu mi na nama mi dayelwa, nguko ni mi dhani, aniko kha ma xamula; ni wombawombile, kambe kha ma engisa, aniko mi mahile ti i ku to biha masoni kwangu, mi sawute sile ani ni nga si si tsakeli.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Hoseya 11:6

Se ditxhari di nata txitimwi ka madhoropa awe, di nata fuvisa sikhweketo sa tisimbi, kambe di na va lovisa, ngu mhaka ya makungo awe.

Habhakuki 3:5

Masoni ka txona ku ti ti thangela mtungu, ni miseve ya mndilo hahatshi ka mikondo ya txona.