Levhi 26:22 - Bhiblia Yo Sawuleka

²² Ni na leka sihari sa txitinga si dayela vanana vanu, si na heta sifuyo sanu, si mi heta nanu mi sala mi di vadotho, se tinzila tanu ti na maha mapfhela.

Levhi 26:22 Referans Kwoze

Ezekhiyele 14:15

Ngako ani ni txi pindisa ngu ditikoni kwawe sihari sa txhofu, se sona si txi di xasela, di na xaselwe, ni wammweyo a nga pinde ngu ka dona ngu mhaka ya sibanda;

Dhewuteronome 32:24

Va na guma mtamo ngu nzala, ve guma ngu sindeyandeya ni mitungu yo karata ngutu, ni na rumela sihari sa txitinga si txi va kakatxulela ngu makwasa, ni wuxungu wa minyoka, yi tsimbilako lithuluni.

Valamuli 5:6

Ka masiku a Samigari, mwana Anate ka masiku a Jayeli, tinzila ti ti mahile mapfhela, vatsimbili va ti ti tsimbila ngu tinzila to gombonyeka.

Zakariya 7:14

Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Isaya 33:8

Tinzila ta hombe ti fuvile, va tsimbili va tona va ti lekile, a funyile txitumelelano, e txhipisa madhoropa, kambe kha khatali ngu m'thu ni wammweyo.

2 Vafumeli 17:25

Se ku to maheka taku, kukhukhela ve khata kuzumba muleya, kha va nga ninga txithavo ka Mkoma; se Mkoma a to rumela tingonyamo hagari kwawe, ti txi ya daya vokari kwawe.

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Ezekhiyele 33:28

Se ni na maha ti taku ditiko di maha dirumbi, ni txixamaliso, kambe wu na hunguleka mtamo wa kutikulisa kwakwe; mimango ya ka Israyeli yi na maha marumbi do gwita, aha ko ni wammweyo kha na mbi pinda ngu ka yona.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Ezekhiyele 5:17

Se ni na rumela nzala kwanu, ni sibanda si si nota daya vanana vako; mitungu ni kuthekela ka mnoha, si na pinda ngu kwako; ni na tisa ditxhari txitimwi kwako. Ani Mkoma ni wombile.

Jeremiya 15:3

Ni na va rumelela mune wa makhombo, kuwomba Mkoma, ditxhari di na va xasela, timbwa ti na va pfunulela. Sinyana sa nzuma ni sibanda sa txitinga si na va khobweta si txi va lovisa.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

2 Makronika 15:5

Ka mbimo yoneyo ku si na kuthutha ka va va humako hambi ka va va wulelako, vathu va ditiko dile va ti ti hanya ka xomulo ya hombe ngutu.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako: