Levhi 26:20 - Bhiblia Yo Sawuleka

²⁰ Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Levhi 26:20 Referans Kwoze

Isaya 49:4

Aniko ani ni ti khani: Ni thumile walo, ni sakani ngu mtamo wangu, ngu so mbi vhuna txilo; hambi keto, fanelo yangu yi masoni ka Mkoma, ni hakhelo yangu yi masoni ka Txizimu txangu.

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Dhewuteronome 11:17

nguko Mkoma a nga mi henyela e tsiva nzuma, ku siwi kambe mati, mafu ma si swi me mi ninga sakudya, se anu mi lova ngu kukuluveta ka ditiko da dinene, adi Mkoma a nga mi ninga dona.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Levhi 26:4

sekoko ni na mi ninga mati a kuwa ngu mbimo ya kona; mafu ma na ninga timbewu ku txi pfuna, mindonga yi na ninga mihando yayingi.

Vagalatiya 4:11

Na thava ti to na nda va ni di timisete mikaralo ngu nganu mahala.

1 Vakorinto 3:6

Ani ni phayile, Apolosi asi theletete mati, aniko Txizimu ngu txona txi nga si kulisa.

Hagayi 2:16

Msana ka mbimo yileya, kutile m'thu e ta lava mmumbu wa magumi mambidi a mipimo ya fulaho, aniko ku ti kova ni digumi dwe; a txi ta dipipani ku ta reka mtxhanu wa magumi a mipimo ya vhinya, ku ti kova ni magumi mambidi dwe.

Isaya 17:11

Ka ditshiku dile u no yi phaya, u na yi bhiyela, se ni mixo mbewu yi na mila; aniko sile so elulwa si na puruma ngu ditshiku da xomulo, ni da kupandiseka ka hombe ngutu.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Jobe 31:40

ngu fulaho ni na velekelwe mipa ngu sevhadha ni velekelwa nyasavari. Ma gumile mapswi a Jobe.

Dhewuteronome 28:42

Yotshe mindonga yako ni mihando ya mafu ako, si na dyiwa ngu sikalani.

Dhewuteronome 28:18

Yi na ruketelwa mihando ya mbeleko yako, ni mihando ya thembweni kwako, marole a tihomu tako ni sinvutana sa tinvuta tako.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Isaya 17:10

Ngu mhaka yeto, u divate Txizimu txa kuhanyiswa kwako, kambe khwa alakanya dirigwi da mkhokhola wako; ngu mhaka yeto u na phaya mindonga yo tshura, u yi bhiyela ngu mindonga ya vamatiko.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Genesisi 4:12

Hambi u txi dima mafu, kha ma na mbi kuninga txilo txa mihando ya ona. U na pepeseka u tutuma-tutuma ha mafuni.”

1 Vafumeli 18:2

Se Elija a to ya ti kombekisa ka Akabe; se ku di ni nzala yo thisa Samariya.

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.