Levhi 26:19 - Bhiblia Yo Sawuleka

¹⁹ Nguko ni na heta kanu ya kutikulisa kwanu, ni maha ti to nzuma yanu yi txi fanana ni simbi, ni mafu anu me fana ni koporo.

Levhi 26:19 Referans Kwoze

Dhewuteronome 28:23

Nzuma yi ku txitimwi ka msungo wako, yi na banga nga koporo, ni mafu hahatshi ka mikondo yako, ma na nga simbi.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Luka 4:25

Aniko kha ditshuri na mi gela kambe ti taku khani: Ka masiku a mprofeti Elija, ku ti ni tinoni to tala ditikoni ka Israyeli, mbimo yi nzuma yi nga sekwa, txipimo txa malembe mararu, ni mtxhanu wa mitxima ni wumwewo, ku txi tumbuluka paya ka dotshe ditiko.

Zefaniya 3:11

Ka ditshiku dile, khu na mbi wa tingana ngu mthumo wako ni wawumwewo, awu u nga ni lwisa ngu wona; sekoko ni na thavisa hagari kwako, ava va giyako ngu kutikulisa, se awe khu na mbi ngadi u txi ti kukumukisa kambe, mmangoni kwangu ko sawuleka.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Ezekhiyele 30:6

Mkoma a womba tiya: Va na wa ni vona vale va emelako Egipta, se matshanza a mtamo wawe ma na boxa; kukhukhela Migidholi kala Seveni, eyo va na wiswa ngu ditxhari, kuwomba Mkoma Txizimu:

Jeremiya 13:9

Mkoma a khene: Nga toneto, ni na sinisa kutikulisa ka Judha, ni kutikulisa ka hombe ka Jerusalema.

Isaya 25:11

Se Mowabhi a na nawuluta manza hagari kwawe, kufana ni msambeli a txi lava kusambela; kambe Mkoma a na veka hahatshi kutikulisa ka Mowabhi, hambiko manza akwe i ku a wutxhari.

1 Samuwele 4:11

Se dibhokiso da Txizimu di to tekwa; kudawa vanana vambidi va Eli, i ku Hofini ni Fineyasi.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.

Isaya 26:5

Nguko ene wa wisa vale va zumbako ka makhalo o guleka, kambe didhoropa di di guletwako a na di veka hahatshi, a txi di khundumusela, kala di maha lithulu.

Isaya 2:12

Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.

1 Samuwele 4:3

Se mbimo yile vathu va nga tshumela veya wugoveloni, madhota a ka Israyeli, ma to kha ona: A hi lekete txani Mkoma hi xulwa nyamsi masoni ka Vafilista kani? Hi tsimbeleni Silo hi ya teka dibhokiso da txitumelelano txa Mkoma, hi ta di veka hagari kwathu, kasiku di txi hi hulukisa manzani ka valala vathu.

1 Vafumeli 8:35

Ku ngako nzuma yi txi tsiveka ma siwi mati, ngu kuva va di kuonhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di va xanisile,

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Dhewuteronome 11:17

nguko Mkoma a nga mi henyela e tsiva nzuma, ku siwi kambe mati, mafu ma si swi me mi ninga sakudya, se anu mi lova ngu kukuluveta ka ditiko da dinene, adi Mkoma a nga mi ninga dona.

Ezekhiyele 33:28

Se ni na maha ti taku ditiko di maha dirumbi, ni txixamaliso, kambe wu na hunguleka mtamo wa kutikulisa kwakwe; mimango ya ka Israyeli yi na maha marumbi do gwita, aha ko ni wammweyo kha na mbi pinda ngu ka yona.