Levhi 26:17 - Bhiblia Yo Sawuleka

¹⁷ Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Levhi 26:17 Referans Kwoze

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

1 Samuwele 31:1

Vafilista koko, va to lwa ni va ka Israyeli; se vavamna va ka Israyeli va to tutuma masoni ka Vafilista, kambe ku to dawa votala mmangoni ka Gilibhoya.

1 Samuwele 4:10

Sekoko Vafilista va to lwa ni va ka Israyeli, ve va xula; ve tutuma, mmwani ni mmwani e ti tsulela ditendani kwakwe; ku to va ni kuonhetela ka hombe, kudawa 30.000 wa vavamna va ka Israyeli, va nga ti tsimbila ngu mikondo.

Genesisi 4:12

Hambi u txi dima mafu, kha ma na mbi kuninga txilo txa mihando ya ona. U na pepeseka u tutuma-tutuma ha mafuni.”

Joxuwa 7:4

Ngu toneto, ku to tsula 3.000 wa vavamna, evo va nga tutuma masoni ka vavamna va ditiko da Ayi.

1 Vafumeli 8:33

Ngako vathu vako va Israyeli va txi xulwa ngu mlala, ngu kuva va di kuonhete, ve hundulukela kwako, ve dhumisa ditina dako, ve dila masoni kwako nyumbani muwa,

Masalmo 44:10

U hi lekile hi txi hingwa ngu valala vathu; ava va hi nyenyako va hi honyolete sathu ngu kuranda kwawe.

Jeremiya 44:11

Ngu konaho, Mkoma wa Mabutho a Tiyimbi, Txizimu txa Israyeli, a womba tiya: Ni na mi henyela, ni txi mi thuvikela, ni txi fuvisa Judha.

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Valamuli 3:14

Se vanana va ka Israyeli va to thumela Egloni, mfumeli wa Vamowabhi, digumi da malembe ni mtxhanu ni mararu.

Valamuli 6:2

Se Vamidhiyani va to xanisa ngutu vanana va ka Israyeli. Se vanana va ka Israyeli va to tutumela maphalani ka mimangoni ni mu tiphakoni ni mu mibhalani.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

2 Vafumeli 13:3

Ngu kumaha keto, kuhenya ka Mkoma ku to tura ka Israyeli, e va ningela manzani ka Hazayeli, mfumeli wa Siriya, ni manzani ka Bheni-Hadhadhe mwana Hazayeli, ka otshe masiku wawe.

2 Vafumeli 13:7

Kha nga siya vathu votala ka Jehowakazi, hahanze ka mtxhanu wa magumi a vagadhi va mahantxhi, ni digumi da sikotxikani, ni 10.000 wa vavamna va kutsimbila ngu mikondo, ngako mfumeli wa Siriya a ngadi va khundumusile, e va tshinda va txi nga mpupu.

Masalmo 53:6

Oh, idiku kuhanyiswa ka Israyeli ko ta ngu Siyoni! Ngako Txizimu txi txi wuyisa vathu va txona ngu wukhumbini, liveleko la Jakobe li na tsaka, vathu va ka Israyeli va na nengela.

Isaya 30:17

1.000 wa vavamna, va na tutuma, ngu kuviketwa ngu wammweyo, se ku txo viketa va mtxhanu, motshenu mi na tutuma, kala kuza mi lekwa mi di songile nga phande tshokani ka mimango, ni kufana ni m'jeke tximangwanani.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Sidilo 2:4

A dombile wulaho wakwe, nga mlala, a tekile lingove lakwe nga mlala; kambe a dayete sotshe si i nga ti so tshura ni ku si wona. A theketile txiviti txakwe txitimwi ka ditenda da mwanana wa muhorana wa Siyoni.