Levhi 26:15 - Bhiblia Yo Sawuleka

¹⁵ ni kungako mi txi eyisa milayo yangu, moya wanu wu txi lamba sileleto sangu, miza mi txi hoka aha ko mbi xayisa mithetho yangu, mi funya txitumelelano txangu,

Levhi 26:15 Referans Kwoze

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Ezekhiyele 16:59

Nguko Mkoma Txizimu a khene: Ni na kumaha tile u nga maha, u nga txhipisa txixambanyo, u txi bhenula txitumelelano.

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Mitengo 15:31

Nguko a eyisile dipswi da Mkoma, e leka khakwenye ati a dinganako ku ti maha; eyo m'thu a na tutumiswa ngu txionho txakwe apune, ka va kakwe.

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Mithumo 13:41

‘Wonani, anu vakanyisi, xamalani mi va mi lova! Nguko ka masiku anu, ni na maha mthumo, awu mi ndinova mi si wu tumeli, idiku mo ziviswa ngu m'thu.’ ”

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Mavingu 5:12

se u txi khawe: Ni nyenyile walo kulaywa! Ni mbilu yangu yi lambile kukawukwa!

Mavingu 1:30

kha ma si lava sileleto sangu, kambe mi kanetile kotshe kulaya kwangu.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Levhi 26:43

Ditiko di va ngadi thava di txi sala dokha di txi maha txiwula, di na tshumela di mana kuhumulela ka dona, vona vapune va na pandiseka, ngu wubihi wawe, ngu kuva va di nyenyile sileleto sangu, ni kule moya wawe wu nga hambana ni milayo yangu.

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Genesisi 17:14

M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Levhi 26:9

Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.