Levhi 26:14 - Bhiblia Yo Sawuleka

¹⁴ Aniko ngako mi si ni engisi, mi si vekisi sotshe sirumo sangu,

Levhi 26:14 Referans Kwoze

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Levhi 26:18

Se ngako mi txi tamarisa mi si ni engisi, ni na mi tsayisa mtxhanu wa sikhati ni simbidi, ngu mhaka ya sionho sanu.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Mithumo 3:23

se wuhi ni wuhi a no mbi engisa mprofetiyo, a na thaviswa ha ditikoni.’

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Joxuwa 23:15

Se kufana ni kuwa ma nga maheka otshe mapswi ale amanene a nga ma womba kwanu ene Mkoma, Txizimu txanu, nga toneto kambe Mkoma a na mi wuyisela sotshe sile so biha, kala kuza a txi mi fuvisa ka ditiko diya da dinene, adi Mkoma, Txizimu txanu, a nga mi ninga.

Valamuli 2:15

Ni hani mu va nga txi humela kona, dianza da Mkoma di ti va wukela ngu wubihi, nga ti Mkoma a nga ti ti wombile, ni ti Mkoma a nga ti xambanyile; se va ti ti kuxuphekani ka hombe.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,

Mavingu 3:33

Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama.

Jeremiya 11:8

Aniko kha va engisa, hambi kuhuphuta nzeve yawe. Mmweyo ni mmweyo a to so mbetete e mwalaleka ngu kubanga ka mbilu yakwe yo biha. Nguko ni nehile txitimwi kwawe timhaka totshe ta txiya txitumelelano, txi ni nga va laya ku txi xayisa, aniko kha va txi xayisa.

Jeremiya 26:4

Va gele, u txi khawe: Mkoma a khene: Ngako mi si engisi mi txi tsimbila ngu mlayo wangu, awu ni nga mi ninga,

Jeremiya 28:8

Vaprofeti va va nga ti tiho masoni kwangu ni masoni kwako, kukhukhela kaleko va to profetela matiko o tala ni mifumo ya hombe, ati taku ku na vaho yimbi ni makhombo ni mitungu.

Jeremiya 40:2

Nduna ya vawoneleli yi to dhana Jeremiya, yi txi kwakwe: “Mkoma, Txizimu txako, a wombile ngu diya dikhombo txitimwi ka wuwa wukhalo;

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.

Hoseya 7:12

Mbimo yile va no tsula, ni na gwimba likoka langu txitimwi kwawe, se ni va txhikisa ngu lona kufana ni sinyana sa nzumani; ni na va tsayisa, madingano ni ti va tolovelako ku tipfa ka msengeletano wawe.

2 Vafumeli 22:13

Tsulani mi ya wotisa ngu ditina dangu, ni da vathu vangu, ni da kotshe amuwa Judha, madingano ni mapswi a dibhuku diya di nga manwa; nguko kuhenya ka Mkoma nga hombe, kuturako txitimwi kwathu, nguko vatate vathu kha va pfisisa mapswi a dibhuku diya, ti to ve maha totshe ti hi nga bhalelwa.

2 Makronika 34:24

Mkoma a khene: Na tisa kubiha txitimwi ka wukhalo wuwa ni txitimwi ka vahanyi va wona, otshe makhombo awa ma nga bhalwa ka dibhuku di di nga gondwa masoni ka mfumeli wa Judha.

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.