Levhi 26:12 - Bhiblia Yo Sawuleka

¹² Ni na va hagari kwanu, ani ni na va Txizimu txanu, nanu mi na va vathu vangu.

Levhi 26:12 Referans Kwoze

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Jeremiya 30:22

Anu mi na va vathu vangu, nani ni na va Txizimu txanu.

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Joyeli 2:27

Se anu mi na tiziva ti to ani niho hagari ka Israyeli, ni ti to ani ngani Mkoma, Txizimu txanu, kha ku na mmwani kambe; ni vathu vangu kha va na mbi theleka tingana yotshe mbimo.

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Ezekhiyele 11:20

kasi kuva txi na tsimbila ngu sileleto sangu, va txi xayisa silayelo sangu ni ku si maha; se vona va na va vathu vangu, ani ni na va Txizimu txawe.

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Jeremiya 32:38

Vona va na va vathu vangu, nanani ni nave Txizimu txawe.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Masalmo 50:7

“Engisani anu Vathu vangu, ni lava kuwombawomba ni, kasi ku kuthethisa, awe Israyeli. Ani ngani Txizimu, Txizimu txako!

Ezekhiyele 36:38

Kufana ni mtxhambi wo sawulekiswa, nga mtxhambi wa Jerusalema amu ka mipipi yakwe, ngu tona eto ma no wonekisa tona madhoropa a siwula, ngu mimwaya; se va na tiziva taku, ani ni Mkoma.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Genesisi 3:8

Se va to engisa dipswi da Mkoma Txizimu, a nga ti tsimbila-tsimbila amu thembweni, ngu mbimo ya minova; wamwamna ni wamsikati va to sisala hagari ka mindonga ya thembweni, ngu kuthava khohe ya Mkoma Txizimu.

Matewu 22:32

“Ani ni Txizimu txa Abrahamu, Txizimu txa Isaake, Txizimu txa Jakobe kani? Txona hi nga Txizimu txa vafi, aniko Njizimu txa va va hanyako.”

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Genesisi 6:9

Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

Genesisi 5:24

Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.

Genesisi 5:22

Ngu msana ka kuvelekwa ka Metusela, Enoki a to tsimbila kumweko ni Txizimu 300 wa malembe, e veleka mazambi ni mahorana.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Mitengo 5:3

Humisani vavamna ni vavasikati mi txi va veka hahanze ka wugovelo. A ti to vanana va ka Israyeli va si nzambwiswi ka wugovelo wawe, vale ni zumbako hagari kwawe.”

2 Samuwele 7:7

Se ka otshe makhalo aawa ni nga tsimbila-tsimbila ni votshe vanana va ka Israyeli, ina ni wombile dipswi dokari ka lihunzu lo kari la Israyeli, ka wule ni nga mruma kudyisa vathu vangu va ka Israyeli, ni txi khani: Ngu kutxani mi si ni akeliko nyumba ya mikedhari kani?

Eksodha 29:46

Se va na ziva ti to ani Mkoma, ni Txizimu txawe, ani ni nga va humisa ditikoni ka Egipta, kasiku ni ta zumba hagari kwawe, ani, Mkoma, Txizimu txawe.

Dhewuteronome 23:15

U nga ningele khumbi ka nyamne wa yona, ayile yi nga thava ka nyamne wa yona yi txi tutumela kwako.