Levhi 26:1 - Bhiblia Yo Sawuleka

¹ Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Levhi 26:1 Referans Kwoze

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Mitengo 33:52

mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mithumo 17:29

Se hi di va liveleko la Txizimu, kha hi faneli kupimisa ti to wuzimu wu nga fananiswa ni nzalama, mwendo silivhela mwendo dirigwi do vatwa ngu wutxhari ni mapimo ya vathu.

Eksodha 34:17

U nga timahele sizimu so tshulwa.

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Levhi 25:55

Nguko va ka Israyeli va lumba ani dwe, ndikhumbi tangu; nzithumi sangu, avale ni nga va humisa ditikoni ka Egipta. Ani ngani Mkoma, Txizimu txanu.

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

Levhi 7:33

Mphaxeli i ku mmweyo wa vanana va Aroni, awu a mahako mningelo wa mnoha, ni kuhisa mafura ya mhamba ya mpatano, ngene a fanelako kuningwa txiphanga txa txinene.

Valamuli 18:30

Se vanana va ka Dhani va to ti emisela txithombe txile txo vatwa, se Jonatani, mwana Gerisoni, mwana Manasi, ene ni vanana vakwe, va to maha vaphaxeli va lihunzu la ka Dhani, kala ka ditshiku da kukhoziswa ka ditiko.

2 Vafumeli 17:8

Se va to tsimbila ngu sileleto sa mifumo yile, Mkoma a nga yi thavisa kule ka vanana va ka Israyeli, ya sihena sa vafumeli va ka Israyeli.

2 Vafumeli 17:10

Va to aka sithombe, ni so vatwa, ka sotshe siluvelo sa mimangoni, ni hahatshi ka yotshe mindonga yo nakana.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.