Levhi 25:8 - Bhiblia Yo Sawuleka

⁸ U na bala mtxhanu wa mavhiki ni mambidi a malembe, i ku mtxhanu wa malembe ni mambidi a ku wuyeletwa mtxhanu ni kumbidi, se ku ma pata otshe ma dinganako mtengo wa mune wa magumi ni mtxhanu ni mune wa malembe.

Levhi 25:8 Referans Kwoze

Levhi 23:15

Ngu msana, anu motshenu mi na bala mtxhanu wa mavhiki ni mambidi o tala, kukhukhela ka ditshiku da Sabbata, i ku ditshiku da m'buso, dile mi nga maha mningelo wa nyanda yo ndiwitela.

Genesisi 2:2

Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

Levhi 25:7

sihari sako sa sifuyo ni sihari sa txitinga, asi si ku mu ditikoni kwako, si nga sikota kudya mihando ya mafu a tithembweni kwako, atile ti ku kuhumulani.

Levhi 25:9

Sekoko ka ditshiku da digumi ka mtxhima wa wutxhanu ni yimbidi; i ku ditshiku da hombe da kudivalelwa ka sionho, u na ruma vahuweleli va txi veta mipundu ditikoni kotshe.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Mitengo 36:4

Kambe ku txi hoka Dilembe da M'buso wa Hombe wa vanana va ka Israyeli, thomba yawe yi engetelwa ka thomba ya lihunzu la vale va no tekana navo; ngu mamahelo awa thomba yawe yi na thaviswa ka thomba ya vatate vathu.

Masalmo 89:16

Otshe masiku va tsaka ngu ngawe va nengela ngu mhaka ya wunene wako.