Levhi 25:6 - Bhiblia Yo Sawuleka

⁶ Edo dilembe, di na va do humuta mafu; aniko mihando yi yi no maneka yi di velekilwe amu tithembweni ka kona, mi na sikota ku yi dya: Awe ni dixonga dako, da wamwamna, ni da wamsikati, hambi ni txithumi; ni mluveli a nga aka kumweko ni nawe;

Levhi 25:6 Referans Kwoze

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Mithumo 2:44

Otshe makholwa ma ti hanya ngu kuengisana, va txi patana ka sotshe simaha si va nga ti naso.

Levhi 25:20

Ngako mi txi wotisa mi txi khanu: Hi na dya txani amu ka dilembe da wutxhanu ni mambidi, ngako hi si phayi, hi si eluli asile si no va si di velekilwe amu tithembweni kani?

Eksodha 23:11

aniko ka dilembe da wutxhanu ni mambidi, u na leka mafu ma txi humulela u si dimi, ni silo sa kona u na si leka si txi va sa sisiwana sa vathu vako, se asi si salako si na dyiwa ngu sihari. U mahisa eto ngu thembwe ya mivhinya ni ya miolivha.

Levhi 25:5

U nga elula asi si nga ti milela sipune si kula, hambi kusanda mivhinya yi yi nga ti milela yipune, yi kula ni kuveleka, nguko dilembe da kuhumuta mafu, kasi kudhumisa Mkoma.

Levhi 25:7

sihari sako sa sifuyo ni sihari sa txitinga, asi si ku mu ditikoni kwako, si nga sikota kudya mihando ya mafu a tithembweni kwako, atile ti ku kuhumulani.

Levhi 25:21

Zivani ti to ani ni na mi katekisa ka dilembe da wutxhanu ni dimwedo, ni mi ninga kupfuna ka si si no velekwa amu tithembeni kwanu, asi si enelako malembe mararu.

2 Vafumeli 19:29

Txikombiso txa kona ngu txiya: Dilembe diya ku na dyiwa sile si no mila sipune, se ka dilembe di tako sile si no huma; sekoko da dilembe da wuraru, phayani mi funyela, mi phaya mivhinya, mi txi dya mihando ya kona.