Levhi 25:2 - Bhiblia Yo Sawuleka

² Womba ka vanana va ka Israyeli u txi khawe: Ngako mi txi wulela ka ditiko di ni mi ningako, mafu ma na xayisa Sabbata ya Mkoma.

Levhi 25:2 Referans Kwoze

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

Eksodha 23:10

“Amu ka mtxhanu wa malembe ni dimwendo, u na phaya thembwe yako u txi elula silo sa kona,

Isaya 8:8

a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

Dhewuteronome 34:4

Se Mkoma a to m'gela a txi khene: Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”

Dhewuteronome 32:49

“Kwela ka mmango wuwa wa Abharimu, txitimwi ka mmango wa Nebho, ditikoni ka Mowabhi, masoni ka Jeriko, kambe wonisisa ditiko da Kanana, adi ani ni di ningelako di txi lumba vanana va ka Israyeli.

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Levhi 23:32

Ka ditshiku donedo, kwanu motshe, di na va i di do humula, kasiku mi maha mithumo ya kukomba kupandiseka ngu sionho sanu. Kukhukhela ka ditshiku da wutxhanu ni mune, ni minova, kala kuswani ka ditshiku da wugumi, mi fanete kuzumba mi txi humula.

Levhi 14:34

Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.

Levhi 25:1

Mkoma a to womba kambe ka Mosi, mmangoni ka Sinayi, a txi khene:

Levhi 25:3

Amu ka mtxhanu wa malembe ni dimwedo, ngu kulondetelana ka ona, u na dima u phaya tithembweni kwako, u sanda mivhinya yako, se u elula mihando ya kona.