Levhi 24:8 - Bhiblia Yo Sawuleka

⁸ Ka ditshiku ni ditshiku da Sabbata, si fanete kutxhatxhametelwa masoni ka Mkoma, yotshe mbimo, ngu vanana va ka Israyeli, Njitumelelano txa kwa mbi na magwito.

Levhi 24:8 Referans Kwoze

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

Mitengo 4:7

Ni txitimwi ka meza ya mningelo wo tshumbelwa va na gwimba nguwo ya mkuxe; ayile txitimwi ka yona ku no vekwa timbiya, ni so hisela ka sona dibaselo, ni magombe, ni sikadyana; kambe ku nava ni dipawu da mphaxo wa yotshe mbimo, txitimwi ka kona.

1 Makronika 9:32

Se vamwani ka vanana va Vakowati, va vanawe, ku ti ni vokari va nga ti vekilwe ka mthumo wo lulamisa mapawu a mphaxo, ka yotshe Masabhata.

Nehemiya 10:33

kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

Eksodha 25:30

Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.

1 Samuwele 21:7

Kambe ka ditshiku donedo ku ti ti mmweyo wa sithumi sa Sawule koneho, a di ñolekile masoni ka Mkoma; se ditina dakwe i ti ti Dhowege, Muedhomi, mthangeli wa hombe ka vadyisi va Sawule.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.