Levhi 24:22 - Bhiblia Yo Sawuleka

²² Hambi i di txisumbulwa mwendo mluveli, awule a nga ta aka ditikoni kwanu, anu motshe mi vamwevo, masoni ka mlayo: Ani ngani Mkoma, Txizimu txanu.

Levhi 24:22 Referans Kwoze

Eksodha 12:49

Ku nava ni mlayo wumwewo dwe ka wu i ku lihunzu la ka kwanu, ni ka wule i ku mluveli wu mi hanyako kumweko nayo.”

Mitengo 9:14

Ni ku ngako mluveli wu a nga aka hagari kwanu, a txi lava kudya Pasika, madingano ni sileleto sa yona, mlayo wa kona wu na fana ni wu wanu, ka mluveli ni ka txizikwa txa ditiko.

Mitengo 15:29

Hambi i ti txizikwa txa vanana va ka Israyeli, mwendo mluveli wu a nga aka hagari kwanu; wu na va mlayo wumwewo ka wule a nga onha ngu “kuluduma.”

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 24:23

Mosi a manekile a txi tsanisa timhaka tiya ka vanana va ka Israyeli. Se va manekile va txi mteka m'thu wule a nga ruketela va txi m'yisa hahanze ka wugovelo, veya m'balisela ngu marigwi a txi fa. Ngu toneto, vanana va ka Israyeli va to maha nga ti Mkoma a nga leletisa tona Mosi.

Dhewuteronome 1:16

Ka mbimo yoneyo, ni leletete ka vathangeli vanu ni txi khani: Engisani timhaka ta vananu, mi txi lamula ngu kululama mhaka ya m'thu ni mwanawe, mwendo ni mluveli wu a hanyako nayo.