Levhi 24:16 - Bhiblia Yo Sawuleka

¹⁶ Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.

Levhi 24:16 Referans Kwoze

Matewu 12:31

“Ngu konaho ni khani kwanu: Vathu va na divalelwa sotshe sionho ni sotshe siruko, kambe kuruka Moya wo Sawuleka kha ku na mbi divalelwa.

Jakobe 2:7

Ina hi nga vonavo va ruketelako ditina da dinene, di mi nga phaxwa ngu dona kani?

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Matewu 26:66

Mi wona to txani kani? Vona va to xamula va txi kha vona: “A fenetwe ngu kufa!”

Masalmo 139:20

Evo vathu va womba-womba kubiha ngu ngawe, valala vako va womba-womba kubiha ngu ditina dako.

Masalmo 74:18

Alakanya, Mkoma, ti to mlala wa kuruketela ni vathu va sipumbu va poyilela ditina dako.

Masalmo 74:10

Awe Txizimu, mlala a na simama e hi ruketela kala mbimo muni kani? A na poyilela ditina dako kala ditshiku muni kani?

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Marku 14:64

Mi txi engisile txiruko! Mi wona to txani kani?” Votshe va to lamula ti to ene a fanetwe ngu kufa.

Johani 19:7

Vajudha va to xamula va txi kha vona: “Athu hi na ni mthetho, se ka wona mthetho wuwa, ene a fanela kufa, nguko a ti mahile Mwanana wa Txizimu.”

Mithumo 7:58

Se va to mruruvisa ve mu yisa hahanze ka didhoropa, veya mu balisela ngu marigwi. Tifakazi ti ti vekile tinguwo ta tona minengeni ka dijaha di di dhanwako ku i Sawule.

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

Levhi 20:2

Kambe u na khawe ka vanana va ka Israyeli : Ni wuhi ka vanana va ka Israyeli, mwendo mluveli wule a nga aka amu ditikoni ka va ka Israyeli, a no ningela mwanana wakwe, e maha mhamba ka Moloke, a na dawa; vathu va mu ditikoni va na m'balisela ngu marigwi.