Levhi 24:11 - Bhiblia Yo Sawuleka

¹¹ Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani.

Levhi 24:11 Referans Kwoze

Isaya 8:21

Se va na rendelekela ditiko, ve xaniseka, ni kupfa nzala; ni mbimo yi va pfako nzala, va na henya, ve ruketela mfumeli wawe, ni Txizimu txawe, ve wonetela txitimwi.

Jobe 2:5

Sekoko hi nga nawuluta diwoko dako, um'gwesa amu ka marambu ni nyama, u na wona mwendo kha na mbi kuruketela khoheni kwako!

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Eksodha 18:26

Vona va ti thethisa vathu ka yotshe mbimo. Timhaka to karata va txi ti yisa ka Mosi, ati ta tidotho va txi ti lamula vona.

Eksodha 18:22

Vona va na thethisa vathu ka yotshe mbimo. Timhaka ta hombe va na ti tisa kwako, aniko totshe timhaka ta tidotho vona va na thethisa va txi ti heta. Ngu toneto, ti no ku hehukisela, nguko vona va na rwala mthumo kumweko ni nawe.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Varoma 2:24

Ngu konaho, ti bhatwe ti to “Ditina da Txizimu da ruketelwa hagari ka vamatiko ngu mhaka yanu.”

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Masalmo 74:22

Wuka awe Txizimu, vhikela mhaka yako! Alakanya ti to vathu vo mbi ziva va kuonhela yotshe mbimo!

Masalmo 74:18

Alakanya, Mkoma, ti to mlala wa kuruketela ni vathu va sipumbu va poyilela ditina dako.

Jobe 1:22

Ka totshe tiya, Jobe kha onha, hambi kulumbeta Txizimu.

Jobe 1:11

Aniko hi nga nawuluta dianza dako u txi m'gwesa ngu ka sotshe sile a ku naso, u txi na wona ku mwendo kha na mbi kuruketela u txi muwona!

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

2 Vafumeli 19:22

U phikizanile ni mani niku u ruketete mani kani? U kwangulete mani ni kuguleta maso txiluveloni kani? U mahete ani Msawuleki wa Israyeli kani?

2 Vafumeli 19:10

Mi na ya khanu ka Ezekhiya mfumeli wa ka Judha: “U nga ti xenge, Txizimu txako txile u txi thembako u txi khawe: Jerusalema kha na mbi ningelwa manzani ka mfumeli wa Asiriya.

2 Vafumeli 19:6

Isaya a to khene: Wombani tiya ka nyamne wanu: Mkoma a khene: U nga thave mapswi ale u nga ma pfa, ale si nga ni ruketela ngu ona sithumi sa mfumeli wa Asiriya.

2 Vafumeli 18:37

Sekoko, Eliyakimu mwana Hilikiya, mthangeli wa nyumba ya wukoma, ni mabhalani wa kona Sebhina, ni Jowa, mwana Asafe, didhota da kona, va to ta ka Ezekhiya ni syambalo so vharukela, ve ta m'geletela mapswi a Rabhisake.

2 Vafumeli 18:35

Nzi ngani hagari ka sizimu sa matiko si nga nga txhatxhisa ditiko da sona manzani kwangu, ka ku naza Mkoma e txhatxhisa Jerusalema manzani kwangu kani?

2 Vafumeli 18:30

Kambe ni kudotho Ezekhiya kha na mbi mi maha mi themba ka Mkoma, a txi khene: Ngu ditshuri Mkoma a na hi hulukisa, kambe didhoropa diya kha di na mbi ningelwa manzani ka mfumeli wa Asiriya.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

2 Samuwele 12:14

Hambi keto, ngako ngu mithumo yako u nga ninga wukhalo valala ve ruketela Mkoma, nene mwanana wule a nga velekwa kha ditshuri a na fa.

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

Levhi 24:10

Se ku to humelela mwanana wa dijaha, mame wakwe i nga ti Muisrayeli, ni tate wakwe i ti ti Muegipta, a to ya ti pata ni va ka Israyeli; se a to wusa pfilu-pfilu wugoveloni, ni Muisrayeli wokari.