Levhi 23:7 - Bhiblia Yo Sawuleka

⁷ ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;

Levhi 23:7 Referans Kwoze

Levhi 23:8

aniko amu ka mtxhanu wa masiku ni mambidi, mi na ningela miningelo yanu yo hiswa ka Mkoma; ka ditshiku da wutxhanu ni mambidi, ku nava ni m'buso wo sawuleka; kha mi na mbi maha mthumo ni wawumwewo.

Levhi 23:25

Ka ditshiku donedo, mi nga maheni mthumo ni wuhi wo nemela, kambe mi na maha mningelo wa mhamba yo hiswa ka Mkoma.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Eksodha 12:16

Ka ditshiku do khata mi na va ni msengeletano wo sawuleka, ni ka ditshiku da mtxhanu ni mambidi mi na va ni msengeletano wo sawuleka; kha mi na mbi ñola ni wawumwewo mthumo ka masiku oneyo, hahanze ka mthumo wa kululamisa asi mmweyo ni mmweyo a no dya.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.