Levhi 23:42 - Bhiblia Yo Sawuleka

⁴² Amu ka masikuyo a mtxhanu ni mambidi, mi na zumba matendani, votshe vanana va ka Israyeli, va fanete kuzumba amu matendani.

Levhi 23:42 Referans Kwoze

Jeremiya 35:10

Aniko hi zumbile matendani, hi engisa ni kumaha totshe eto Jonadhabhe, tate wathu, a nga hi laya tona.

Mitengo 24:5

Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Mitengo 24:2

Se Bhalahamu a to gula maso e wona Vaisrayeli, va di zumbile ka matenda awe, ngu tinyumba tawe, se Moya wa Txizimu wu tota txitimwi kwakwe.

Genesisi 33:17

Aniko Jakobe a to teka nzila ya kuya Sukote, aho a nga ya aka kona nyumba ni sibala sa sifuyo sakwe; ngu mhaka yeto, wukhalo wule wu dhanwa ngu ditina daku i Sukote.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Levhi 23:34

Gela vanana va ka Israyeli u txi khawe: Ka ditshiku da digumi ni mtxhanu ka wona mtximewo wa wutxhanu ni yimbidi, ku na mahwa m'buso wa mabharakawu, amu ka mtxhanu wa masiku ni mambidi, m'buso wo dhumisa Mkoma.

Levhi 23:41

Mi na mahela Mkoma m'buso, amu ka mtxhanu wa masiku ni mambidi, dilembe ni dilembe; wu txi maha mlayo wa yotshe mbimo ka tiveleko tanu totshe. Mi na maha m'buso wuwa ngu mtxima wa wutxhanu ni yimbidi.

Hoseya 12:9

Aniko ani ngani Mkoma, Txizimu txako, kukhukhela ditikoni ka Egipta; ani ni ngadi ni txi na ku zumbisa matendani, kufana ni masiku a mitshangano ya kudikha.

Hoseya 12:10

Se ni na womba-womba ka vaprofeti, ni engetela siwoniso, kambe ngu ka mthumo wa vaprofeti, ni na va komba ngu sifananiso.