Levhi 23:36 - Bhiblia Yo Sawuleka

³⁶ Anu, ka ona masikuyo a mtxhanu ni mambidi, mi na maha miningelo yo hiswa ka Mkoma. Ka ditshiku da wutxhanu ni mararu, mi na ramba msengeletano wo sawuleka, mi maha mningelo wa mhamba ka Mkoma. Msengeletano wa m'buso wo gwitisa, mi nga maheni mthumo ni wawumwewo.

Levhi 23:36 Referans Kwoze

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Joyeli 2:15

Vetani mpundu kona Siyoni, sawulekisani kutitona, huwelelani ditshiku da kuyila.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Dhewuteronome 16:8

Mndani ka mtxhanu wa masiku ni dimwedo, u na dya mapawu o mbi tshumbelwa, se ka ditshiku da wutxhanu ni mambidi, ku nava ni msengeletano wa m'buso wo dhumisa Mkoma, Txizimu txako; u nga mahe mthumo ni wawumwewo.”

Levhi 23:7

ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;