Ka ditshiku donedo, kwanu motshe, di na va i di do humula, kasiku mi maha mithumo ya kukomba kupandiseka ngu sionho sanu. Kukhukhela ka ditshiku da wutxhanu ni mune, ni minova, kala kuswani ka ditshiku da wugumi, mi fanete kuzumba mi txi humula.
Gela vanana va ka Israyeli u txi khawe: Ka ditshiku da digumi ni mtxhanu ka wona mtximewo wa wutxhanu ni yimbidi, ku na mahwa m'buso wa mabharakawu, amu ka mtxhanu wa masiku ni mambidi, m'buso wo dhumisa Mkoma.
Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.
Ka mtxima wa wutxhanu ni yimbidi, ngu ditshiku da digumi ni mtxhanu ka mtxima, m'busoni, a na maha toneto tatimweto ka otshe masiku a mtxhanu ni mambidi, ka mphaxo wa kudivalela sionho, ni ka mningelo wo hiswa, ni ka mningelo wa sakudya, ni mtona.
Va to maha Mbuso wa Midhuti, nga tile ti nga bhalwa, ve ningela miphaxo yo hiswa ditshiku ni ditshiku, ngu kulondetelana, madingano ni txihena, tximwetxo ni tximwetxo ka ditshiku da txona;
Ku na maheka taku, votshe vale va no sala, ka otshe matiko ale ma nga lwisa Jerusalema, ma na kwelela dilembe ni dilembe, kuya khozela Mfumeli, Mkoma wa Mabutho a Tiyimbi, ni kuya maha m'buso wa Midhuti.
