Levhi 23:19 - Bhiblia Yo Sawuleka

¹⁹ Kambe mi na ningela mabhongwe, kasi kuva mhamba yo basisa txionho, ni sinvutana simbidi sa tanga ya dilembe dimwedo, si va i di mhamba ya mpatano.

Levhi 23:19 Referans Kwoze

Mitengo 28:30

ni mabhongwe, kasi kumaha mphaxo wo thavisa sionho sanu.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Mitengo 15:24

Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.

Levhi 16:15

Msana keto, a na daya mabhongwe wu a nga mahwa mningelo ngu vathu, kasi kumaha mhamba yo divalela txionho, e teka mnoha wa kona e wu tisa mndani ka nguwo a txi maha tonti a nga maha ngu mnoha wa dirole, e xwayela ngu wona masoni ka txifenengeto txa mtundu ni txitimwi ka wona.

Levhi 23:18

Mi na ningela kumweko ni mapawu, mtxhanu wa sinvutana ni simbidi, sa tanga ya dilembe dimwedo, so mbi na wulima, ni dirole dimwedo, ni tihamba timbidi, ti to sifuyo siya si txi va i di mningelo wa mhamba yo hiswa, kumweko ni mningelo wa mhamba ya sakudya ni so sela, asi kubhumula ka sona ku tsakisako Mkoma.

Levhi 23:20

Mphaxeli a na maha mningelo wo ndiwitela ngu sotsheso, kumweko ni mapawu a mihando yo khata, masoni ka Mkoma, ni sinvutana simbidi; si si lumba ene Mkoma, kasi kuvhuna mphaxeli ngu sona.