Levhi 23:14 - Bhiblia Yo Sawuleka

¹⁴ Mi nga dyeni mapawu, hambi fulaho yo katingwa, mwendo miburu, kala donedo ditshiku mi no va mi txi tisa mningelo, wa nyanda yo ndiwitela, ka Mkoma, Txizimu txanu; awuwa mthetho mbwa yotshe mbimo kala kupinduka, ka liveleko ni liveleko la ka kwanu, kotshe mu mi no maneka mi di akile kona.

Levhi 23:14 Referans Kwoze

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Dhewuteronome 16:12

Alakanya ti to u ti ti khumbi ditikoni ka Egipta, ngu mhaka ya toneto, khutala u txi xayisa milayo yiya ni ku yi maha.”

Levhi 10:11

mi txi sikota kugondisa va ka Israyeli ti to ve vekisa milayo yi Mkoma a nga va ninga, ngu txisofu txa Mosi.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Masalmo 19:8

Sirumo sa Mkoma nzo lulama; sa ninga litsako mbiluni. Sirumo sa Mkoma nzo lulama; sa woninga mapimo.

Levhi 2:14

Se ngako u txi ningela mningelo wa sakudya sa kuelula ko khata masoni ka Mkoma, u na ningela mningelo wa sakudya sa mi'buru ya kuelula ko khata, so kaxulelwa ha mndiloni, eko, sa tinyingi ta mi'buru yo pfuna.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Levhi 23:31

Mi nga maheni mthumo ni wawumwewo, awuwa mthetho wa yotshe mbimo, ka totshe tiveleko tanu, hani ni hani mi no maneka mi di kona.

Levhi 23:41

Mi na mahela Mkoma m'buso, amu ka mtxhanu wa masiku ni mambidi, dilembe ni dilembe; wu txi maha mlayo wa yotshe mbimo ka tiveleko tanu totshe. Mi na maha m'buso wuwa ngu mtxima wa wutxhanu ni yimbidi.