Levhi 23:13 - Bhiblia Yo Sawuleka

¹³ Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Levhi 23:13 Referans Kwoze

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:9

Ku wilisilwe mningelo wa sakudya, ni sa kusela Nyumbani ka Mkoma; vaphaxeli, i ku sithumi sa Mkoma, va pandisekile.

Ezekhiyele 46:14

Kumweko ni mningelo wule, u na lulamisa mningelo wa sakudya ka Mkoma, mixo ni mixo, lipimo la wutxhanu ni limwelo la efa yimweyo, ni la mtona, lipimo la wuraru la hini, kasi ku patela ni mpupu; atxiya njileleto txa kwa mbi gwita, txo simama.

Ezekhiyele 45:24

Kambe a na lulamisa mningelo wa sakudya: Efa yimweyo ka dirole dimwedo, ni efa yimweyo ka txinvutana tximwetxo, ni hini yimweyo ka efa yimweyo ni yimweyo.

Ezekhiyele 4:11

Kambe u na sela mati ngu kupimela, mabhikiri mambidi ngu ditshiku; u na sela ngu mbimo ni mbimo.

Mitengo 28:10

Awuwa ngu wona mphaxo wa kuhiswa wa Sabbata ni Sabbata, kuleka mningelo wa kuhiswa wa ditshiku ni ditshiku, ni mningelo wa sakudya ni sa kusela.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 6:20

Awuwa mningelo wa Aroni ni vanana vakwe, va no ningela ka Mkoma, ka ditshiku dile wene a no totwa ku va mphaxeli: Mpimo wa wugumi wa efa wa mpupu wa wunene, ngu mningelo wa sakudya; hafu yimweyo ni mixo, yimwani hafu ni minova.

Eksodha 30:24

ni mtxhanu wa makilu ni dimwedo a kasiya, ngu mpimo wa kunemela ka dixekele dimwedo da mu ditendani ko sawuleka, ni hini yimweyo ya mtona wa olivha.

Eksodha 30:9

Mi nga thuki mi txi hisela kona dimwani dibaselo, hambi yimwani mhamba yo hiswa, hambi mningelo wumwani, ni kutheketa txitimwi ka txona so sela.

Levhi 23:12

Ka ditshiku di nyanda yi no ndiwitelwa, mi fanete kumaha mningelo wo hiswa ka Mkoma, ngu txinvutana txa dilembe dimwedo, txo mbi na wulima.