Levhi 23:10 - Bhiblia Yo Sawuleka

¹⁰ Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 23:10 Referans Kwoze

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Dhewuteronome 16:9

“U na bala mtxhanu wa mavhiki ni mambidi; kukhukhela ka mbimo yile u no teka sikela u txi elula fulaho, u na khata kubala mtxhanu wa mavhiki ni mambidi.

Mitengo 28:26

Kufana ni tona eto, ma txi hoka masiku a mihando yo khata, ka mbimo yi mi ningelako mningelo wa wuphya wa sakudya ka Mkoma, madingano ni M'buso wanu wa Mavhiki; mi nga thumeni mthumo ni wawumwewo wo nemela.

Ezekhiyele 44:30

Kambe matiwula a yotshe mihando yo khata ka sotshe, ni yotshe miningelo ya sotshe ka sotshe sa miningelo yanu, si na lumba vaphaxeli; ni so khata ka silo sanu, mi na si ningela ka mphaxeli, kasi ku a na txhikisa makatekwa txitimwi ka nyumba yako.

Mitengo 15:2

Gela vanana va ka Israyeli u txi khawe: “Ngako mi txi hoka ka ditiko di ni no mi ninga mi aka ka dona,

Levhi 23:17

Mi na tisa ngu mitini kwanu, mapawu mambidi, o mahwa ngu mipimo yimbidi ya wugumi, a mpupu wa wunene, o bhikwa ni mtshumbelo, aale ma nga mahelwa kuve mandiwitelwa; ngu yona mihando yo khata yo mahelwa Mkoma.

Eksodha 34:22

U na vekisa kambe m'buso wa mavhiki, amu ka mbimo ya silo so khata mu kuelulani ka fulaho, ni m'buso wa kuelula ngu magwito ka dilembe.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Levhi 14:34

Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Levhi 23:9

Se Mkoma a to womba ka Mosi, a txi khene:

Levhi 23:11

se mphaxeli a na ningela nyanda ka Mkoma, ka ditshiku di di londetako Sabbata, e maha masoni ka Mkoma mhamba yo ndiwitela ya mningelo, kasiku e mi katekisa.

Rute 1:22

Ngu toneto, Nowemi a to wuya ni mane wakwe Rute, wa Mowabhi, a nga wuya ngu ditiko ka Mowabhi; se va to hoka Bhetlehema ngu mbimo yo khata kuelula sevhadha.