Levhi 22:9 - Bhiblia Yo Sawuleka

⁹ Vaphaxeli va na vekisa sirumo sangu, va si maheteli sionho, ve maneka va txi nyenyezisa sakudya sangu, se va txi dawa ngu kuva va di ndakile milayo. Ani ngani Mkoma, awu a va sawulekisako.

Levhi 22:9 Referans Kwoze

Eksodha 28:43

Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Mitengo 18:32

Mi txi ningela ngu so tshura ngutu, kha mi na mbi va ni mnandu ni wawumwewo, aniko ko mi nga nzabwiseni miningelo yo sawuleka ya vanana va ka Israyeli, nguko mi nga fa.

Mitengo 18:22

Ti to vanana va ka Israyeli, va siswi ve tshuketa hafuhi ka ditenda da msengeletano, nguko va nga rwala mnandu, va txifa.

Levhi 22:16

Ngako vaphaxeli va txi tumetisa vamwani vathu va txidya sa mningelo wa mhamba, vona vathuvo va na rwala txionho txi txi ku ni fanelo yo dihelwa: Ani ngani Mkoma, ni sawulekisako.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Matewu 23:17

Sipumbu-nu, mi mabhofu! Kasi nji txani txi ku ni lisima ngutu, kani? I nzalama mwendo dithepele di sawulekisako nzalama, kani?”

Levhi 16:13

Se a na thela dibaselo txitimwi ka makala a mndilo, masoni ka Mkoma, wutshi wa dibaselo, wu na fanengeta txikhalo txa Wufakazi, kasiku Aroni asi fi.

Levhi 18:30

Ngu toneto, xoniphani sileleto si ni nga mi mahela, mi si londeteli mikhuwo yo biha, ayile va nga yi mahetela vale va nga thanga vona, na mi sinzi kumaneka anu, nguko mikhuwo yoneyo yi nga mi nyenyezisa. Ani ngani Mkoma, Txizimu txanu.

Dhewuteronome 11:1

“U na randa koko Mkoma, Txizimu txako, u vekisa yotshe mbimo ati a nga kugela, milayo yakwe, sileleto sakwe, ni sirumo sakwe.