Levhi 22:23 - Bhiblia Yo Sawuleka

²³ Kambe homu mwendo txifuyo txatxidotho, txo lapha mwendo txo koma, wa sikota ku txi maha mningelo ngu kuranda kwako, aniko ngu kuxambanya kha wu na mbi tumeleka.

Levhi 22:23 Referans Kwoze

Levhi 21:18

Nguko awule a nga limala mmidini kwakwe, a nga sikote kutshuketa hafuhi e maha mhamba, awule i ku dibhofu, txidiya, mwendo i thonvu yi nga limala, mwendo txihango txi nga hambana ni tximwani;

Eksodha 35:29

Votshe vanana va ka Israyeli, vavamna ni vavasikati, avale va nga ti ni kunavela kumaha mningelo wuhi ni wuhi kasi kukulisa mthumo awu Mkoma a nga ruma Mosi kasiku e wu maha, m'thu ni m'thu a to heleketa ngu kuranda ka mbilu mningelo ka Mkoma.

Levhi 22:22

Mi nga maheni mningelo ka Mkoma ngu txihari txi i ku dibhofu, txo limala, txo wilwa txihango, txa magwagwarimba, txa txigwere, mwendo txibawa, kambe mi nga maheni mningelo wo hiswa ka Mkoma, ha txiluveloni.

Levhi 22:24

Mi nga maheni mningelo ka Mkoma, ngu txihari txo thenwa ngu kuphwaraselwa, mwendo kusukwa, mwendo kuthaviswa, mwendo kuwilwa; ditikoni kwanu, mi nga maheni mhaka yo nga eyo.

Dhewuteronome 15:21

Ngako txifuyo txako txi di ni wulima wokari, txi txi nzoda mwendo txi di fite maso, hambi kuva ni wumwani wulima wa hombe, u nga txi ningele ka Mkoma, Txizimu txako ha txiluveloni.

Dhewuteronome 17:1

“U nga mahe mphaxo ka Mkoma, Txizimu txako, ngu homu mwendo nvuta, yi yi ku ni txibawa mwendo wulima, nguko eto ta nyenyeka masoni ka Mkoma, Txizimu txako.

Malakiya 1:8

Nguko mi txi tisa txihari txi i ku dibhofu, kasi ku ta phaxa ngu txona, kha ta biha! Ni ku ngako mi txi ningela txo limala, mwendo txo lwala, kha ta biha! Se u txi txi ningela ka mthangeli wako, a na kutsakela kani? Ni ku mwendo a na kuamukela kani? Kuwomba Mkoma wa Mabutho a Tiyimbi.