Levhi 22:22 - Bhiblia Yo Sawuleka

²² Mi nga maheni mningelo ka Mkoma ngu txihari txi i ku dibhofu, txo limala, txo wilwa txihango, txa magwagwarimba, txa txigwere, mwendo txibawa, kambe mi nga maheni mningelo wo hiswa ka Mkoma, ha txiluveloni.

Levhi 22:22 Referans Kwoze

Levhi 22:20

Mi nga thuke mi txi ningela txihari txi txi ku ni wulima, nguko Mkoma kha na mbi wu amukela mningelowo.

Malakiya 1:8

Nguko mi txi tisa txihari txi i ku dibhofu, kasi ku ta phaxa ngu txona, kha ta biha! Ni ku ngako mi txi ningela txo limala, mwendo txo lwala, kha ta biha! Se u txi txi ningela ka mthangeli wako, a na kutsakela kani? Ni ku mwendo a na kuamukela kani? Kuwomba Mkoma wa Mabutho a Tiyimbi.

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 3:3

Ka yona mhamba yiya ya kudikha, mphaxeli a na hisela Mkoma otshe mafura ma ku mndani ka mrumbu wa txihari.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 22:21

Awule a lavako kumaha mningelo ka Mkoma, wa mhamba ya kuthutha, ngu txifuyo txa hombe mwendo txa txidotho, kasi kutatisa txithembiso txakwe, mwendo mhamba ya kuranda kwakwe, a fanete kuningela txifuyo txo hetiseka, txo mbi na wulima.

Levhi 22:23

Kambe homu mwendo txifuyo txatxidotho, txo lapha mwendo txo koma, wa sikota ku txi maha mningelo ngu kuranda kwako, aniko ngu kuxambanya kha wu na mbi tumeleka.