Levhi 22:18 - Bhiblia Yo Sawuleka

¹⁸ Gela Aroni ni vanana vakwe ni votshe vanana va ka Israyeli, ku khawe: Wuhi ni wuhi m'thu wa ka Israyeli, mwendo ngu wule i ku mluveli, a nga aka ditikoni ka va Israyeli, awule a lavako kumaha mningelo wakwe wa mhamba, kasiku e tatisa txixambanyo txakwe, mwendo mningelo wa kumaha ngu kuranda kwakwe, ngako a txi maha mningelo wa mhamba yo hiswa ka Mkoma,

Levhi 22:18 Referans Kwoze

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Mitengo 15:3

mi humisa mningelo ka Mkoma, mphaxo wo hiswa, mwendo mhamba yo tatisa txixambanyo, mwendo ku ngava mningelo wa kuranda kwanu, ngu mixuvo yo lava kuningela ka Mkoma mningelo wo bhumula, ngu tinvuta, mwendo tihomu ta mikati;

Levhi 1:2

Gela vanana va ka Israyeli ku khawe: Ngako mmwenyo wanu a txi ninga mningelo ka Mkoma, mi na ningela miningelo yanu ya sihari, sa tihomu ni tinvuta.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Nahume 1:15

Wonani mikondo txitimwi ka mimango ya wu a tisako mahungu a maphya, ya wu a huwelelako kudikha! Maha mibuso yako, awe Judha, hetisa sixambanyo sako, nguko m'bihi kha na mbi ngadi kambe a txi pinda ngu kwako; ene a na loviswa do gwita.

Jona 2:9

Aniko ani ni na kuninga miphaxo ngu dipswi do bonga, a ti ni nga xambanya ni na ti maha; kuhanyiswa kuta ngu ka Mkoma!

Jona 1:16

Se vavamna vava, va to khata kuthava Txizimu, ngu txithavo txa hombe, ve ningela miphaxo ka Mkoma, ni sixambanyo sawe.

Ekleziyaste 5:4

Ngako u txi maha txixambanyo txokari ka Txizimu, u nga swele ku txi maha; nguko Txizimu kha txi tsakiswi ngu siphukuphuku; ati u xambanyako, ti mahe.

Masalmo 116:18

Ni na londeta sixambanyo si ni nga si maha ka Mkoma, masoni ka votshe vathu vakwe,

Masalmo 116:14

Ni na landela sixambanyo si ni nga si maha ka Mkoma, masoni ka votshe vathu vakwe.

Masalmo 66:13

Ni na phaxa mhamba ya sihari, amu nyumbani kwako ni tatisa sixambanyo si ni nga si maha,

Masalmo 65:1

Awe Txizimu, u ni fanelo ya kudhumiswa kona Siyoni ni ti to vathu ve tatisa sixambanyo si va nga ku mahela.

Masalmo 61:8

Ngu toneto, ni na embelela masalmo ka ditina dako ngu ha ku si gwitiko, kasi kutatisa sixambanyo sangu ditshiku ni ditshiku.

Masalmo 61:5

Awe koko Txizimu, u engisile sixambanyo sangu u amukete txikombelo txa vale va ku dhumisako.

Masalmo 56:12

Sithembiso si ni nga ku mahela, awe Txizimu, ni lava ku si tatisa ngu kubonga,

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Dhewuteronome 16:10

Ngu msana, u na maha m'buso wa mavhiki, u txi dhumisa Mkoma, Txizimu txako; u na maha mningelo wa manza ako ngu kuxuva ka mbilu yako, madingano ni ti Mkoma Txizimu txako a nga ku katekisisa tona.

Dhewuteronome 12:17

Ha mwayani kwako, u nga dyele kona sa wugumi sa fulaho yako ni sa vhinya yako ya yiphya ni sa mtona wako, ni matiwula a tihomu tako ni matiwula a tinvuta tako, hambi sile u nga thembisa ngu txixambanyo, hambi miningelo ya kuranda kwako, hambi ni yihi miningelo yo ndiwitelwa, ayi yi humako manzani kwako.

Levhi 23:38

hahanze ka Masabbata a Mkoma, ni siningo sanu, ni sotshe sikatekiso sanu, ni miningelo ya kuranda kwanu, mi no ningela ka Mkoma.

Levhi 17:13

Ni wuhi m'thu wa ka Israyeli mwendo mluveli wu a nga aka hagari kwanu, e thuka a txi daya txihari mwendo txinyana kuxotani kwakwe ka sile si dyiwako, a fanete e theketa mnoha wa txona hahatshi, a txi wu kuletela.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 7:16

Se i di mhamba ya txixambanyo ngu txithembiso txokari, mwendo mhamba yo mahwa ngu kuranda ka m'thu dwe, nyama yi na dyiwa ka donedo ditshiku; ayi yi no sala yi nata dyiwa mangwanani ka kona.

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Levhi 22:17

Mkoma a wombile ka Mosi, a txi khene:

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.