Levhi 22:16 - Bhiblia Yo Sawuleka

¹⁶ Ngako vaphaxeli va txi tumetisa vamwani vathu va txidya sa mningelo wa mhamba, vona vathuvo va na rwala txionho txi txi ku ni fanelo yo dihelwa: Ani ngani Mkoma, ni sawulekisako.

Levhi 22:16 Referans Kwoze

Levhi 22:9

Vaphaxeli va na vekisa sirumo sangu, va si maheteli sionho, ve maneka va txi nyenyezisa sakudya sangu, se va txi dawa ngu kuva va di ndakile milayo. Ani ngani Mkoma, awu a va sawulekisako.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Masalmo 38:4

Sionho sangu si tshutshutile si ni khubhunyetile ni msungo; sa ni kama kufana ni mrwalo wo nemela ngutu.

Levhi 20:8

Vekisani milayo yangu mi txi yi xayisa. Ani ngani Mkoma ni mi mahako vathu vangu vavanene.

Levhi 7:18

Nguko m'thu a txi dya nyama ya mhamba ya mpatano, ayi yi no sala, ka ditshiku da wuraru, mhamba yoneyo kha yi na mbi amukelwa ngu Txizimu, yi na va i si nga yo vhuna txilo; i nyama yo onheka, ni wule a nga yi dya a na rwala mnandu wa kona.

Matewu 23:17

Sipumbu-nu, mi mabhofu! Kasi nji txani txi ku ni lisima ngutu, kani? I nzalama mwendo dithepele di sawulekisako nzalama, kani?”

Eksodha 28:38

Txona txi fanete txi txi maneka hambanza ka Aroni, se ene Aroni a na rwala kubiha ngu didhawa da simaha so sawuleka, asi vanana va ka Israyeli va no si ningela ngu miphaxo yawe yo sawuleka. Txi na maneka mbimo yotshe ha mbanza kwakwe, kasiku a txi mana wuxinji masoni ka Mkoma.

Levhi 10:17

Ngu kutxani mi nga mbi dya nyama ya mabhongwe, ya mningelo wa mhamba yo kuwula txionho ha wukhaloni ko sawuleka, kani? Nguko njilo txo sawuleka ngutu ka Mkoma, a mi ningile kasi ku mi rwala sotshe sionho sa msengeletano, mi maha m'diho wa sionho, masoni ka Mkoma.

Levhi 22:17

Mkoma a wombile ka Mosi, a txi khene:

Mitengo 18:1

Sekoko Mkoma a to khene ka Aroni: Awe, ni vanana vako, ni nyumba ya tate wako, mi na amukela kunemela ka nyumba yo sawuleka, ni ti to awe ni vanana vako, mi na rwala mnandu wa wuphaxeli wanu.

Mitengo 18:32

Mi txi ningela ngu so tshura ngutu, kha mi na mbi va ni mnandu ni wawumwewo, aniko ko mi nga nzabwiseni miningelo yo sawuleka ya vanana va ka Israyeli, nguko mi nga fa.

Levhi 21:8

Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.

Levhi 21:15

kasiku asi nyenyezisi liveleko lakwe, hagari ka vathu va ka kwawe. Ani ngani Mkoma ni nga msawula.

Levhi 21:23

Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.