Levhi 22:13 - Bhiblia Yo Sawuleka

¹³ Aniko mwanana wa dihorana wa mphaxeli, awule i ku noni mwendo a nga ya tutumiswa wukati, asi nga ni mwanana, a txi wuyela nyumbani ka tate wakwe eya zumba kona, kufana ni mbimo ya wuphyani kwakwe, a na dya sakudya sa tate wakwe; aniko ni wammweyo wa matiko kha na mbi dya.

Levhi 22:13 Referans Kwoze

Levhi 10:14

Khana yi yi nga ndiwitelwa ni mnenge wu wu nga sala, u na ya si dyela ha wukhaloni ko sawuleka, awe ni vanana vako vavafana ni vamahorana, nguko njiavelo txi txi kulumbako ka miningelo yo mahelwa Txizimu.

Genesisi 38:11

Sekoko Judha a to womba ka Tamari maane wakwe, a txi khene: “Tshumela u txi ya m'tini ka tate wako, u di noni, kala kuza mwanana wangu Xela e kula. Nguko a txi alakanya ti to a nga thuka efa nene, kufana ni vakomwakwe. Se Tamari a to tsula eya zumba m'tini ka tate wakwe.”

Eksodha 29:33

se va na dya silo si si nga mahwa sa mningelo wo dihela sionho sawe, mbimo yile va nga ningelisiswa ni kusawulekiswa. Ni wammweyo m'thu wa hahanze kha na mbi dya, nguko nza kudya so katekiswa.

Levhi 22:10

Awule i singako wa m'tini ka mphaxeli, a nga thuke a txidya so katekiswa; mwendo mpfhumba wakwe, hambi txithumi txakwe txi a txi holelako, va nga silo so katekiswa.

Levhi 22:12

Se ngako mwanana wa dihorana wa mphaxeli, a txi tekana ni wamwamna wa mamwani matiko, a ngadye si si nga mahelwa kuva i di sa mningelo wa mhamba.

Eksodha 12:43

Mkoma a to khene kambe ka Mosi ni ka Aroni: “Mlayo wa Pasika ngu wuwa: Ni wammweyo mluveli kha na kudya m'buso wa Pasika.

Dhewuteronome 24:2

Se ngako a di humile m'tini kwakwe, eya maneka a txi tekana ni mmwani wamwamna,

1 Samuwele 21:7

Kambe ka ditshiku donedo ku ti ti mmweyo wa sithumi sa Sawule koneho, a di ñolekile masoni ka Mkoma; se ditina dakwe i ti ti Dhowege, Muedhomi, mthangeli wa hombe ka vadyisi va Sawule.

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

Ezekhiyele 44:8

Aniko kha ma vekisa silayelo sa simaha sangu so sawuleka; kambe anu mipune mi ti mahile vaxayise va silayelo sangu, nyumbani kwangu ko sawuleka.