Levhi 22:1 - Bhiblia Yo Sawuleka

¹ Msana keto, Mkoma a to womba-womba ka Mosi, a txi khene:

Levhi 22:1 Referans Kwoze

Levhi 21:24

Se Mosi a to txhamusela ka Aroni, ni ka vanana vakwe, ni ka votshe vanana va ka Israyeli, totshe timhaka tiya.

Levhi 22:2

Gela Aroni ni vanana vakwe, ti to ve tsule kule ni simaha so sawuleka sa vanana va ka Israyeli, ava va ni sawulekisako, kasiku va si nyenyezisi ditina dangu do sawuleka: Ani ngani Mkoma!

Mitengo 18:11

Asi ni sona si na maha sako: Miningelo yi vanana va ka Israyeli va humisako, ka sotshe si si guletwako ngu txikombiso txa mningelo, va txi si ningela ngu kwako, ni ka vanana vako, va mazambi ni vamahorana, eto ti nava mlayo wa yotshe mbimo. Se votshe ava va nga sawuleka ka nyumba yako, va na ni fanelo ya kusidya.

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.