Levhi 21:9 - Bhiblia Yo Sawuleka

⁹ Ngako mwanana wa dihorana wa mphaxeli a txi ti nyenyezisa ngu kumaha wungango, a thela tingana tate wakwe, a fanete kuhiswa ha mndiloni.

Levhi 21:9 Referans Kwoze

Genesisi 38:24

Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Levhi 19:29

U nga nyenyezise mwanana wako wa dihorana, ngu ku mkujetela ti to e maha wugelegele, nguko ditiko di nga ti ningetetela amu ka wugelegele, di txi tala ngu wubhemba.

Titosi 1:6

Didhota dimwani ni dimwani, kulaveka di si nga ni txisolo, adi i ku mwamna wa msikati mmweyo, adiya di ku ni vanana vo kholwa, avava ni mmweyo asi sikotiko ku va sola ka mhaka ya mahanyelo o biha mwendo o kanyisa.

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

1 Samuwele 2:34

Se txikombiso txi txi nota txitimwi ka vanana vako va vambidi, Hofini ni Fineyasi; ngu ti to ngu wumbidi wawe va nafa ditshiku dimwedo.

1 Samuwele 2:17

Ngu kumaha keto, txionho txa majaha awa i ti ti txa hombe ngutu masoni ka Mkoma, nguko vathu va ti eyisa mningelo wa Mkoma.

Joxuwa 7:25

Se Joxuwa a to khene: “Ngu kutxani u txi hi tisela dikhombo kani? Se nyamsi, Mkoma a na tisa dikhombo txitimwi kwako!” Se votshe va ka Israyeli va to va balisela ngu marigwi, va txi va hisa ngu mndilo.

Joxuwa 7:15

Se ku na maheka tito, wule a no manwa a di ni sile so yiliswa, a na hiswa ngu mndilo, ene ni sotshe sile a ku naso, nguko a nga leka txitumelelano txa Mkoma, a txi maha wubihi ka Israyeli.

Levhi 20:14

Ngako wamwamna wokari a txi tekana ni wamsikati ni mame wa kona, a mahile to yila. Ene ni vale vavasikati, va na rinzwa ha mndilo va txi hiswa, ngu wuraru wawe, kasiku txionho txo, txi guma hagari kwanu.

Eksodha 31:14

Ti di ngeto, vekisani masabhata angu, nguko kwanu i mhaka yo sawuleka. Awule a di bihisako a na khawuliswa ngu kudawa, awule ka donedo ditshiku a mahako mthumo wokari a na thaviswa hagari ka vathu va ka kwawe.

Dhewuteronome 22:21

sekoko va na teka wule wa dihorana ve tsula nayo ha txikeni ka nyumba ya tate wakwe, se majaha a didhoropani kwawe, ma na m'balisela ngu marigwi kala a txi fa; nguko a mahile to biha ka va ka Israyeli, ngu kumaha wugango nyumbani ka tate wakwe; ngu toneto u na va u txi fuvisa wubihi hagari kwanu.