Levhi 21:6 - Bhiblia Yo Sawuleka

⁶ Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.

Levhi 21:6 Referans Kwoze

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Ezra 8:28

Se ni to khani kwawe: Anu mi misawulwa ya Mkoma, ni mikamba yiya yi sawulekile, kumweko ni silivhela yiya ni nzalama yiya, sa kuningelwa ngu kutilava ka Mkoma, Txizimu txa vatate vanu.

Levhi 21:8

Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.

Levhi 19:12

Mi nga xambanyeni makuhu ngu ditina dangu, nguko mi nga nyenyezisa ditina da Txizimu txanu. Ani ngani Mkoma!

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Eksodha 29:44

Ina, ni na va ni txi sawulekisa ditenda da masengeletano kumweko ni txiluvelo; ni na sawulekisa kambe Aroni ni vanana vakwe, kasiku va txi thuma mthumo wangu.

Eksodha 28:36

U na maha txileti txa nzalama ya yinene, atxi ka txona u no bhala ngu kukenyela nga ti va bhalisako tona ngu txixambanyo aha ka phera, u txi khawe: “Kusawuleka nga Mkoma.”

Eksodha 19:22

Vaphaxeli va va ku ni fanelo yo tshuketa hafuhi ka Mkoma va na maneke va di basile, ati to Mkoma asi va peki ngu lifo.”

Levhi 21:17

Zivisa Aroni u txi khawe: Kani ngu wuhi m'thu wa lixaka la ka kwanu, ka liveleko ni liveleko a nga limala, kha na kumaha mningelo wa mhamba ya sakudya ka Mkoma, Txizimu txakwe.

Levhi 21:21

Ni wammweyo wamwamna wa liveleko la Aroni mphaxeli, awu i ku txilima, a nga tshukete hafuhi kasi kuningela mningelo wa kuhiswa ka Mkoma; nguko wa kelelelwa; kha na kutshuketa kasi kuningela sakudya ka Txizimu txakwe.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Levhi 21:23

Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Mitengo 28:2

Leleta vanana va ka Israyeli, u txi kawe kwawe: Ni neheleni mningelo wo hiswa ngu mbimo ya wona, awu i ku kudya kwangu ko bhumula.