Levhi 21:23 - Bhiblia Yo Sawuleka

²³ Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.

Levhi 21:23 Referans Kwoze

Levhi 21:12

A nga hume mu nyumbani ko sawuleka, kasiku asi nyenyezisi nyumba yo sawuleka ya Txizimu txakwe, nguko mafura o katekiswa ngu Txizimu txakwe, wu di thetwe ha msungo kwakwe. Ani ngani Mkoma .

Levhi 15:31

Ka toneto, anu mi na hambanisa vanana va ka Israyeli ka wubihi wawe, kasi vona va si wuleli phangoni ka kudawa, nguko va ti ya nyenyezisa ngu wubihi wawe nyumba yangu yo sawuleka, ayi yi ku hagari kwawe.

Matewu 23:17

Sipumbu-nu, mi mabhofu! Kasi nji txani txi ku ni lisima ngutu, kani? I nzalama mwendo dithepele di sawulekisako nzalama, kani?”

Levhi 21:22

Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.

Levhi 21:24

Se Mosi a to txhamusela ka Aroni, ni ka vanana vakwe, ni ka votshe vanana va ka Israyeli, totshe timhaka tiya.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Levhi 20:7

Ti maheni vavanene ni ku ti maha vasawuleki, nguko ani ngani Mkoma Txizimu txanu.

Levhi 21:6

Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.

Levhi 22:16

Ngako vaphaxeli va txi tumetisa vamwani vathu va txidya sa mningelo wa mhamba, vona vathuvo va na rwala txionho txi txi ku ni fanelo yo dihelwa: Ani ngani Mkoma, ni sawulekisako.

Nehemiya 13:29

Vaalakanye, awe Txizimu txangu, nguko va nyenyezisile wuphaxeli, ni txitumelelano txa wuphaxeli, ni txa Valevhi.