Levhi 21:22 - Bhiblia Yo Sawuleka

²² Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.

Levhi 21:22 Referans Kwoze

Levhi 2:3

Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.

1 Vakorinto 9:13

Ina kha mi tizivi ti to vaphaxeli va timhamba va hanya ngu sa dithepeleni kani? Ni ti to ava va vhunetelako ha txiluveloni va mana txyavelo txa ha txiluveloni, kani?

Mitengo 18:19

Yotshe miningelo ayi vanana va ka Israyeli va no ninga Mkoma, ya simaha so sawuleka si nota ningelwa kwako, kumweko ni ka vanana vako, va mazambi ni vamahorana, awuwa wu na va mlayo wa yotshe mbimo. Nguko atxiya, njitumelelano txa kala kupinduka, txa mnyu masoni ka Mkoma, a txi txi no maha txako ni ka liveleko lako.

Levhi 7:1

Asiya nzileleto sa mhamba yo divalela mnandu; etxo njimaha txo sawuleka ngutu.

Levhi 2:10

Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Levhi 6:29

Nyama yiya, yi na dyiwa ngu votshe vavamna vale i ku vaphaxeli; yi na va yi di sawulekile ngutu.

Levhi 21:23

Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.

Levhi 22:25

Kambe mi nga tumeleni kuningela so dyiwa sokari ngu manzani ka valuveli vanu, ka Mkoma, nguko sihono siyo so maha kubiha, se ene kha na ku mi tumelela, hi nga sa sinene.

Levhi 6:10

Se mphaxeli a na ambala syambalo sakwe sa linyu, a txi ambala dibhuluku da linyu, se a na thavisa dikhuma, msana ka kuva mndilo wu di tshokomisile mningelo wo hiswa ha txiluveloni, a txi di veka didhawa ka txiluvelo.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Levhi 10:12

Se Mosi a gete Aroni ni vanana va va nga sala, Eleyazari ni Itamari a txi khene: Tekani si si nga sala, sakudya, ka mningelo wo hiselwa Mkoma, mi na si dya si sa tshumbelwa, hafuhi ka txiluvelo, nguko nzimaha so sawuleka.

Levhi 10:17

Ngu kutxani mi nga mbi dya nyama ya mabhongwe, ya mningelo wa mhamba yo kuwula txionho ha wukhaloni ko sawuleka, kani? Nguko njilo txo sawuleka ngutu ka Mkoma, a mi ningile kasi ku mi rwala sotshe sionho sa msengeletano, mi maha m'diho wa sionho, masoni ka Mkoma.

Levhi 14:13

Ngu msana, a na wila thamo ya txinvhutana ha wukhaloni hale kudayelwako kona sihari sa mningelo wa mhamba yo kuwula sionho, ni mningelo wa mhamba yo hiswa, ha wukhaloni ko sawuleka; nguko mningelo wa mhamba ya minandu, ni mningelo wa mhamba ya txionho, simaha sa kona si lumba mphaxeli, si sawulekile ngutu.

Levhi 22:7

Ngu msana ka kuswa ka ditambo ngu kona a no va ni fanelo ya kudya so sawuleka, nguko nzakudya sakwe.

Levhi 27:28

Ni txihi txo ningelwa txi txi nga ningelwa ka Mkoma, txi sawulekile; mwendo m'thu, mwendo i thembwe ayi i kuthomba yakwe, kha txi na kuxaviswa hambi kutekiswa; sotshe si si nga emiselwa toneto, i thomba yo sawuleka ngutu ya Mkoma.