Levhi 21:10 - Bhiblia Yo Sawuleka

¹⁰ Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe.

Levhi 21:10 Referans Kwoze

Levhi 16:32

Se mphaxeli wu a no totwa, ni kusawulwa kasi kumaha mphaxo wukhaloni ka tate wakwe, a na maha mphaxo wa kuthavisa sionho, na a ti ambate syambalo sa linyu, i ku syambalo so sawuleka,

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Mitengo 35:25

Se msengeletano wu na hulukisa m'dayi manzani a mphoteli wa mnoha, kambe msengeletano wu na mtshumeta eya ka didhoropa da wuthavelo, amu a nga ti tutumete kona; eya zumba kona an'ze a txifa mphaxeli wa hombe, awu va nga mtota mafura o sawuleka.

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.

Esteri 6:12

Msana keto, Mordhekayi a to tshumela eya ha txikeni ka mfumeli; kambe Hamani a to khukha ngu kututuma e tsula m'tini kwakwe, a di henyile, e ti fenengeta msungo.

2 Samuwele 15:30

Se Dhavhidha a to kwelela ngu mmango wa miolivha, na a txi dila, a di fenengetile msungo, a to tsimbila asi ya ambala txilo mikondoni; se votshe vathu vale a nga ti nayo va to ti fenengeta misungo yawe ve kwelela va txi dila.

Levhi 13:45

Awule a ku ni mtungu wa tshekela, a fanete e tsimbila a di ambate simaha so sakala kumweko ni misisi yo mbi khwaywa ni kufenengeta txisofu kala ha txiletuni, na a txi huwelela a txi khene: Kha na basa! Kha na basa!

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Eksodha 29:7

U na teka mtona wa kutotwa ko gwitisa, u txi wuthela ha msungo kwakwe, se ngu toneto u na va u txi m'tota.

Ezekhiyele 24:17

Dilisa kutipimela; u nga dilele vafi, ambala txigoko txako, ni tikathula mikondoni kwako; u nga sisale u txi dya sakudya sa vathu.

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

Mitengo 6:7

Hambi i di tate wakwe mwendo mwamwakwe, mwendo ndiyakwe, a nga thuke a txi ti nzambwisa, nguko txixambanyo txakwe ni Txizimu txi ha msungo kwakwe.