Levhi 20:6 - Bhiblia Yo Sawuleka

⁶ Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Levhi 20:6 Referans Kwoze

Levhi 19:31

Mi nga yeni ka vanyamsoro, hambi ka vanyatixolo, mi nga thuke mi txi ya ka vona, nguko mi nga ti nyenyezisa: Ani ngani Mkoma, Txizimu txanu.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Levhi 20:27

Ngako wamwamna mwendo wamsikati a txi ya ka vanyamsoro, mwendo ka vanyatixolo, ngu ditshuri a fanete kufa, a na baliselwa ngu marigwi, mnoha wakwe wu na wa txitimwi kwakwe.

Masalmo 73:27

Nguko ava va zumbako kule ni nawe va na lova; awe wa va fuvisa votshe vale va ku phikizako.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Mitengo 15:39

Ngu mhaka yeto, makhatxa a kona, mbimosi mi no ma wona, ma na mi maha mi khumbula milayo ya Mkoma, kasi kuxayisa milayo tito, mi si londeti minavelo yo biha ya wugango.

Levhi 19:26

Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

Mithumo 16:16

Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Eksodha 22:18

U nga leke mloyi wa wamsikati a txi hanya.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 20:5

ani ni na tshemberisa khohe yangu ni txi muwukela eyo m'thu, ni yotshe nyumba yakwe, kumweko ni vale va nga patana nayo, va txi mahetela kubiha, ve khozela Moloke.

Jeremiya 44:11

Ngu konaho, Mkoma wa Mabutho a Tiyimbi, Txizimu txa Israyeli, a womba tiya: Ni na mi henyela, ni txi mi thuvikela, ni txi fuvisa Judha.

Eksodha 22:17

Ngako tate wakwe a txi lamba ti to e mteka, a fanete e ningela male ya mtengo wa lowolo.