Levhi 20:5 - Bhiblia Yo Sawuleka

⁵ ani ni na tshemberisa khohe yangu ni txi muwukela eyo m'thu, ni yotshe nyumba yakwe, kumweko ni vale va nga patana nayo, va txi mahetela kubiha, ve khozela Moloke.

Levhi 20:5 Referans Kwoze

Masalmo 106:39

Ka toneto ni vona va ti nyenyezisile ngu mithumo yawe ve maneka va sa thembeka ka Txizimu.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Levhi 20:4

Se ngako vathu va ditiko va txi vhala maso awe, ka m'thu wule a nga onha ngu kuningela mwanana wakwe ka Moloke, va si m'dayi,

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Jeremiya 44:11

Ngu konaho, Mkoma wa Mabutho a Tiyimbi, Txizimu txa Israyeli, a womba tiya: Ni na mi henyela, ni txi mi thuvikela, ni txi fuvisa Judha.