Levhi 20:26 - Bhiblia Yo Sawuleka

²⁶ Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

Levhi 20:26 Referans Kwoze

Levhi 20:7

Ti maheni vavanene ni ku ti maha vasawuleki, nguko ani ngani Mkoma Txizimu txanu.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Isaya 30:11

vayilelani nzila, mi huma amu ka txinzilana; mahani ti to Msawuleki wa Israyeli asi maneki hagari kwanu.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 20:8

Vekisani milayo yangu mi txi yi xayisa. Ani ngani Mkoma ni mi mahako vathu vangu vavanene.

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;