Levhi 20:22 - Bhiblia Yo Sawuleka

²² Vekisani koko sotshe sileleto sangu, ni milayo yangu, mi txi yi londeta, kasi ku ditiko di ni mi yisako ka dona kuya zumba kona, di si mi kosi.

Levhi 20:22 Referans Kwoze

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Masalmo 119:160

Mapswi ako ma tsaniswa ngu ditshuri; mithetho yotshe ya kululama kwako, ya simama kala kupinduka.

Masalmo 119:145

Mkoma, ni khongete ngu yotshe mbilu; ni xamule, nguko ni lava kuxayisa milayo yako.

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

Masalmo 119:20

Moya wangu wa karateka yotshe mbimo, ngu kulava kuziva mithetho yako.

Masalmo 105:45

kasiku ve vekisa milayo ya txona ni kuxonipha sileleto sa txona. Dhumisani Mkoma!

Masalmo 119:175

Nihe wutomi, kasiku ni sikota ku kudhumisa, mithetho yako yi na ni vhune.

Masalmo 119:171

Ni na embelela ndando ya ku kudhumisa, nguko awe u ni gondisile kuziva milayo yako.

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Levhi 19:37

Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

Eksodha 21:1

Ayiya ngu yona milayo yi u no vekela va ka Israyeli:

Masalmo 119:164

Na kudhumisa mtxhanu wa sikhati ni simbidi ngu ditshiku, ngu mhaka ya mithetho ya kululama kwako.

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.